01.10.2026 | 14:19
«21-րդ դարի նավթի» հետքեր՝ Հայաստանում․ ԱՄՆ-ն հետաքրքրված է հազվագյուտ մետաղներով
Հոգևորականի գործունեության մեջ ավելի շատ տեսնում ենք քաղաքական ինտրիգներ, քան՝ աստվածաշնչյան քայլեր. Փաշինյան. ՏԵՍԱՆՅՈՒԹ
Հասարակություն
20.04.2020 | 19:53
Հաջորդ խավը, որ հիասթափվելու շատ կոնկրետ պատճառ ունի, պայմանականորեն ասած, հոգևորականությունն է. ֆեյսբուքյան ուղիղ եթերում անդրադառնալով, իր իսկ խոսքերով, «մեծ հիասթափության մոդելավորմանը», ասաց ՀՀ վարչապետ Նիկոլ Փաշինյանը:
«Ինչո՞ւ, որովհետև Հայաստանում ինչքան ընդգծվում է գաղափարական իշխանության գոյության փաստը, էնքան ավելի ակնհայտ է դառնում Հայաստանում հոգևոր կյանքի սակավությունը: Այսինքն՝ ինչքան Հայաստանում կա իշխանություն, որը արժեքներ է փորձում սերմանել ՀՀ-ում, այնքան հոգևոր կյանքը արժեքների սերմանման և գաղափարների սերմանման հարցով ունի մեծ բացեր: Եվ հետևաբար, սա հոգևորականության համար առաջացնում է լրջագույն դիսկոմֆորտներ: Որովհետև մենք հաճախ հոգևորականության գործունեության մեջ տեսնում ենք քաղաքականություն, երբեմն քաղաքական ինտրիգներ, քան Աստվածաշնչից և նրա գաղափարախոսությունից բխող գործունեություն»,- նկատեց վարչապետը:
Ապա հանրապետության ղեկավարը նշեց, որ ինքը՝ որպես մարդ, որ շատ կարևոր է համարում քրիստոնեական տեսությունը, իրեն հարց է տալիս, արդյոք այսօրվա հոգևոր կյանքը մեզ մոտեցնո՞ւմ է աստվածաշնչյան տեքստին և գաղափարախոսությանը, Նոր կտակարանին և նրա գաղափարախոսությանը և վստահ չէ, որ այդ հարցին կարող է դրական պատասխան տալ:
Մանրամասները՝ տեսանյութում:
