06.07.2026 | 19:48
Նեթանյահուն կոչ է արել ԱՄՆ-ին՝ F-35 կործանիչներ չվաճառել Թուրքիային
Մոսկվայում ինքնամեկուսացման ռեժիմը երկարաձգվել է մինչև մայիսի 1-ը
Քաղաքականություն
20.04.2020 | 18:48
ՌԴ մայրաքաղաք Մոսկվայում ինքնամեկուսացման ռեժիմը երկարաձգվել է մինչև մայիսի 1-ը։ Lenta-ի փոխանցմամբ՝ այս մասին հայտարարել է Մոսկվայի քաղաքապետ Սերգեյ Սոբյանինը:
Ռուսաստանի նախագահ Վլադիմիր Պուտինի հետ առցանց հանդիպման ժամանակ նա նշել է, որ կորոնավիրուսի դեմ պայքարի համար Մոսկվայում ձեռնարկված սահմանափակող միջոցները բավարար են այս փուլի համար:
Հիշեցնենք, որ մարտ-ապրիլ ամիսներին Մոսկվայի իշխանությունները աստիճանաբար խստացրին կորոնավիրուսի տարածման պատճառով ներդրված սահմանափակող միջոցները: Այսպիսով, քաղաքում ուսումնական հաստատությունները փակ են, արգելվում են զանգվածային միջոցառումները, տարեցներին հրահանգվել է չլքել տները:
Ռուսաստանում անցած օրվա ընթացքում գրանցվել է կորոնավիրուսային վարակի 4.268 դեպք: Ընդհանուր առմամբ, ՌԴ-ում վարակվածների թիվը գերազանցել է 47 հազարը: Այս ընթացքում գրանցվել է 405 մահ, առողջացել է 3.446 մարդ:
