28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Վարչապետի ասածը վերաբերում է անձանց, որոնք շանսը չեն օգտագործել, չեն վերանայել աշխատանքը. Լիլիթ Մակունց. ՏԵՍԱՆՅՈՒԹ
Քաղաքականություն
20.04.2020 | 11:57
Այսօր խորհրդարանական ճեպազրույցների ժամանակ «Իմ քայլը» խմբակցության ղեկավար Լիլիթ Մակունցն անդրադարձավ Նիկոլ Փաշինյանի՝ կադրային քաղաքականությանը «թավշյա մոտեցմանը» և դրա վերաբերյալ վարչապետի վերջին կոշտ հայտարարություններին։
«Երբեք չի եղել այն տեսակետը, որ լինելու է կադրային ջարդ, և հասկանալի է, որ պետական կառավարման համակարգում կան բազմաթիվ պրոֆեսիոնալ անձինք, մարդիկ, ովքեր սրտացավ կերպով ծառայում են ՀՀ-ին և պետության շահերին։ Միևնույն ժամանակ, քիչ չեն եղել այն դեպքերը, երբ եղել են շատ չարաշահումներ, կոռուպցիոն գործարքների կասկածներ և այլն։ Այդ ամենը հաշվի առնելով՝ փոփոխությունները, երբ տեղի են ունեցել նոր Հայաստանում, հնարավորություն են յուրաքանչյուրիս համար՝ վերանայելու մեր նախկին մոտեցումները պետության, ինքներս մեր նկատմամբ։ Այդ կտրվածքով, ցավոք, կան դեռևս անձինք, որոնց ընկալումները մնացել են հինը և չեն փոխվում։ Վարչապետի ասածը վերաբերում է հենց այն անձանց, ովքեր այս ընթացքում չեն օգտագործել այս ժամանակահատվածը և չեն վերանայել իրենց մոտեցումները իրենց աշխատանքի վերաբերյալ»,- նշեց Մակունցը։
Մանրամասները՝ տեսանյութում։
