16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Սահմանափակումները հանելու մասին խոսելը դեռ վաղ է. Վրաստանի գլխավոր վարակաբան
Քաղաքականություն
19.04.2020 | 19:17
Վրաստանի հիվանդությունների կանխարգելման ու հանրային առողջության ազգային կենտրոնի տնօրեն Ամիրան Գամքրելիձեն գտնում է, որ դեռևս վաղ է խոսել սահմանափակումների ու արտակարգ ռեժիմի վերացման մասին:
Aliq.ge-ի փոխանցմամբ՝ մասնագետը կարծիք է հայտնել նաև, որ պատվաստանյութի բացակայության պայմաններում սահմանափակումներն ամենահզոր գործիքն են՝ վարակի դեմ պայքարի համար, բայց խոսել այս կամ այն սահմանափակման տված արդյունքի մասին հնարավոր է դրանց ուժի մեջ մտնելուց 7-10 օր հետո:
Ամենաարդյունավետը Գամքրելիձեն համարում է սոցիալական հեռավորության պահանջն ու տեղաշարժի արգելքը: Նա շնորհակալություն է հայտնել քաղաքացիներին՝ նշելով, որ երկրի բնակչության զգալի մասը քաղաքացիական պատասխանատվություն է ցուցաբերել ու հետևելով կառավարության հորդորներին՝ Զատկի տոնին չի գնացել եկեղեցիներ:
