10.07.2026 | 18:15
Ջրհեղեղներն Ադրբեջանի մի շարք շրջաններում լուրջ վնասներ են պատճառել․ զոհ կա․ ՏԵՍԱՆՅՈՒԹ
Ոստիկանների կողմից քաղաքացիներին խոշտանգելու դեպքի առնչությամբ քրգործ է հարուցվել
Հասարակություն
09.11.2017 | 13:37
ՀՀ հատուկ քննչական ծառայությունում քրեական գործեր են հարուցվել ոստիկանության աշխատակիցների կողմից խոշտանգում կատարելու դեպքերի վերաբերյալ ՀՀ քաղաքացիներ Ա. Վարդանյանից ու Պ. Գրիգորյանից ստացված հաղորդումների հիման վրա, տեղեկացնում են ՀՔԾ լրատվական ծառայությունից:
Այսպես, Ա. Վարդանյանը հաղորդում է տվել, որ 2017 թվականի հուլիսի վերջերին, տեղեկանալով, որ իր ծանոթները բերման են եթարկվել ՀՀ ոստիկանության Արաբկիրի բաժին, պարզաբանումներ ստանալու նպատակով գնացել է այնտեղ, սակայն ոստիկաններն իրեն ուղեկցել են աշխատասենյակներից մեկը, որտեղ առանց որևէ պատճառաբանության ծեծի են ենթարկել:
Մեկ այլ ՀՀ քաղաքացի` Պ. Գրիգորյանը հաղորդում է տվել որ 2017թ. հոկտեմբերի 20-ին ՀՀ ոստիկանության Թալինի բաժնի քրեական հետախուզության բաժանմունքի երկու օպերլիազորներ իրեն բերման են ենթարկել նշված բաժին, որտեղ հարկադրել են խոստովանել իրենց գյուղում կատարված գողությունը կամ տեղեկություններ հայտնել այլ անձանց կողմից հանցագործություններ կատարելու մասին:
Պ. Գրիգորյանի կողմից մերժում ստանալով` Թալինի բաժնի օպերլիազորները վերջինիս ծեծի են ենթարկել:
Այսպիսով, ՀՀ ոստիկանության պետական հատուկ ծառայություն իրականացնող պաշտոնատար անձանց կողմից խոշտանգում կատարելու վերը նշված դեպքերի առթիվ ՀՀ հատուկ քննչական ծառայությունում քրեական գործեր են հարուցվել ՀՀ քրեական օրենսգրքի 309.1-րդ հոդվածի 2-րդ մասի 4-րդ կետի հատկանիշներով:
Կատարվում է նախաքննություն:
