Քաղաքականություն
17.04.2020 | 16:13Լրագրողներն այսօր Ազգային ժողովի նախագահ Արարատ Միրզոյանի հետ զրույցի ժամանակ հիշեցրին գործարար Սամվել Ալեքսանյանի անունը՝ շեշտելով, որ իշխանությունն Ալեքսանյանի հետ լավ հարաբերությունների մեջ է։
Ի պատասխան Միրզոյանն ասաց․ «Սամվել Ալեքսանյանի հետ չէ, մենք բոլորի հետ լավ ենք, ովքեր աշխատում են ՀՀ օրենքների սահմաններում և մեր հռչակած խաղի կանոնների սահմաններում: Ոչ մի սև հաշվապահություն և կանոնավոր վճարված հարկեր: Բոլոր-բոլորի հետ լավ ենք: Նույնիսկ հազար անգամ ասել ենք՝ եթե կլինի որևէ մեկը, որը նախկին խաղի կանոնների պայմաններում օրենք է խախտել, կուտակել են ապօրինի հարստություն, կգան, կասեն՝ այդպես է եղել ընդունված, մեզ մի դատեք, վերցրեք այսքանը, յուրացրել եմ ապօրինի ձևով, վերցրեք և թողեք ես աշխատեմ, ընդունելի է դա։ Հազար անգամ ասել ենք՝ այդ ամենը ոչ մի մութ, անդրկուլիսային պայմանավորվածությունների արդյունքում, միայն բաց, հասարակության առջև»:
Միրզոյանը շեշտեց՝ ենթադրում է, որ եթե Սամվել Ալեքսանյանը խնդիր չունի՝ ուրեմն կանոնավոր վճարել է հարկերը։
Մանրամասները՝ տեսանյութում:
Մերի Մարտիրոսյան
