04.07.2026 | 10:47
Փաշինյանը շնորհավորական ուղերձներ է հղել Թրամփին և Վենսին՝ կարևորելով հայ-ամերիկյան գործընկերությունը
Լոռու և Տավուշի մարզերում 2 համայնք կխոշորացվի, իսկ ՏԻՄ ընտրությունները կհետաձգվեն ևս 6 ամսով․ ԱԺ-ն ամբողջությամբ ընդունեց օրինագծերի փաթեթը. ՏԵՍԱՆՅՈՒԹ
Քաղաքականություն
17.04.2020 | 15:23
ՀՀ Ազգային ժողովը երկրորդ ընթերցմամբ և ամբողջությամբ ընդունեց «ՀՀ վարչատարածքային բաժանման մասին» ՀՀ օրենքում փոփոխություններ և լրացումներ կատարելու մասին» և կից օրենքների նախագծերի փաթեթը։
Հիշեցնենք, որ նախագծով առաջարկվում է համայնքների միավորման երկու ծրագիր իրականացնել Լոռու և Տավուշի մարզերում․ Լոռու մարզի Լերմոնտովո համայնքում ընդգրկել Լերմոնտովո ու Անտառաշեն գյուղերը, իսկ Տավուշի մարզի Իջևան համայնքում ընդգրկել Իջևան քաղաքը, Ազատամուտ, Ակնաղբյուր, Աճարկուտ, Այգեհովիտ, Աչաջուր, Բերքաբեր, Գանձաքար, Գետահովիտ, Դիտավան, Ենոքավան, Լուսահովիտ, Լուսաձոր, Խաշթառակ, Ծաղկավան, Կայան, Կիրանց, Սարիգյուղ, Սևքար, Վազաշեն գյուղերը։
ՀՀ տարածքային կառավարման և ենթակառուցվածքների նախարար Սուրեն Պապիկյանը նշեց, որ առաջինից երկրորդ ընթերցում կատարվել են խմբագրական բնույթի որոշ փոփոխություններ։
«Նախատեսվում էր միավորվող համայնքներում ՏԻՄ ընտրությունների անցկացումը հունիսի 14-ին, սակայն, արտակարգ դրության ռեժիմով պայմանավորված, առաջարկվել է ժամկետը հետաձգել և ընտրություններն անցկացնել օրենքն ուժի մեջ մտնելուց հետո 6-ամսյա ժամկետում»,- ասաց Պապիկյանը։
