26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ահռելի միջոցներ կուտակած անձինք դա թաքցրել են զոքանչի, աներոջ անվան տակ․ այս օրենքը նրանց է վերաբերում․Լիլիթ Մակունց. ՏԵՍԱՆՅՈՒԹ
Հասարակություն
15.04.2020 | 13:53
Այս օրենքը բարեխիղճ, օրինապաշտ, իրենց հմտություններով որոշակի հաջողությունների հասած քաղաքացիների մասին չէ, այս օրենքը չի վերաբերելու ազնիվ, օրինական ճանապարհով ունեցվածք ձեռք բերած մեր բազմաթիվ քաղաքացիներին։ Այս մասին այսօր Ազգային ժողովի նիստում ապօրինի գույքի բռնագանքման վերաբերյալ նախագծի քննարկման ժամանակ ասաց «Իմ քայլը» խմբակցության ղեկավար Լիլիթ Մակունցը։
«Այս օրենքը վերաբերելու է անազնիվ, ապօրինի ճանապարհով ահռելի միջոցներ կուտակած այն մարդկանց, ովքեր շատ հաճախ իրենց ունեցվածքը թաքցրել են ուրիշի անվան տակ, օրինակ՝ զոքանչի, քենու, աներոջ և այլն։ Ընդ որում՝ դա տեղի է ունեցել տասնյակ տարիներ, բոլորիս աչքի առջև։ Սա գործիք է, որով ժամանակին ապօրինի, շատ դեպքերում՝ կոռուպցիոն մեխանիզմներով ձեռք բերված և հմտորեն հետքերը թաքցրած պաշտոնական դիրքի չարաշահմամբ ձեռք բերվածը վերադարձնելու է պետական բյուջե՝ դատական որոշմամբ։ Սա նաև քաղաքական ուղերձ է ներկա և ապագա պաշտոնյաներին»,- մասնավորապես նշեց Մակունցը։
Մանրամասները՝ տեսանյութում։
