18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Երկու ծրագրով 10,5 միլիարդ դրամի վարկ է տրվել. ԿԲ նախագահ. ՏԵՍԱՆՅՈՒԹ
Տնտեսություն
13.04.2020 | 12:44
Կորոնավիրուսի տնտեսական հետևանքների չեզոքացման առաջին միջոցառումը վերաբերում է հիմնականում ՓՄՁ-ներին: ԿԲ նախագահ Արթուր Ջավադյանը Կառավարության արտահերթ նիստին տեղեկացրեց, որ այստեղ ունենք բավարարված 205 վարկ՝ 8 մլրդ 851 մլն դրամի չափով:
«Այս վարկերը բավականին հարթ ձևով բաշխված են ամբողջ հանրապետությունով, և ունենք գործունեության ոլորտներով էլ լավ բաշխվածություն՝ հյուրանոցային բիզնես, ռեստորանային բիզնես, գյուղվերամշակում, առևտուր, առողջապահություն: Ունենք արդեն մերժված հայտեր, որոնց հիմնական պատճառներն անհամապատասխանությունն է ներկայացված պահանջներին: Ասենք՝ ունեն ժամկետանց հարկային պարտավորություններ, ժամկետանց վարկային պարտավորություններ: Հայտերի քանակն էլ բավական մեծ է՝ ունենք 691 հայտ՝ մոտ 39 մլրդ դրամի»,-ասաց նա:
Ինչ վերաբերում է հակաճգնաժամային երկրորդ միջոցառմանը, ԿԲ նախագահն ասաց. «Երկրորդ միջոցառումը վերաբերում է հիմնականում գյուղատնտեսությանը: Այստեղ բավարարված վարկերի թիվը 536 է, որից 417-ը միկրովարկերն են՝ տրված գյուղացիական տնտեսություններին: Այստեղ վարկերի արժեքը 1 մլրդ 606 մլն դրամ է: Ամբողջությամբ երկու ծրագիրը միասին՝ 10 մլրդ 458 մլն դրամ է»:
Վարչապետ Նիկոլ Փաշինյանը էլ նկատեց, որ երբ ընդունում էին առաջին միջոցառումը, կային հոռետեսական կանխատեսումներ, որ ոչ մեկն էլ չի դիմի, իրենց նման աջակցություն պետք չի, բայց վիճակագրությունն այլ բան ցույց տվեց. «Ես համոզված եմ, որ առաջիկա օրերին թե գյուղվարկերի մասով, թե բիզնեսին աջակցության մասով ավելի ակտիվ ցուցանիշներ կունենանք»:
Մանրամասները՝ տեսանյութում:
