11.06.2026 | 12:45
200 դրամ աջակցություն՝ ծիրանի 1 կգի արտահանման համար, 250 դրամ` դեղձի, 400 դրամ` կեռասի. փոխնախարար․ ՏԵՍԱՆՅՈՒԹ
Կորոնավիրուսով հիվանդներին կսպասարկեն նաև համապատասխան լիցենզիա չունեցող բժշկական հաստատությունները․ ԱԺ-ն ընդունեց առաջին ընթերցմամբ. ՏԵՍԱՆՅՈՒԹ
Տնտեսություն
13.04.2020 | 12:11
Ազգային ժողովն այսօր արտահերթ նիստում առաջին ընթերցմամբ ընդունեց կորոնավիրուսով հիվանդներին սպասարկելու համար ուսանողներին և համապատասխան լիցենզիա չունեցող բժշկական հաստատություններին ներգրավելու վերաբերյալ փոփոխությունների փաթեթը։
«Բնակչության բժշկական օգնության և սպասարկման մասին» Հայաստանի Հանրապետության օրենքում լրացում կատարելու մասին և «Լիցենզավորման մասին» Հայաստանի Հանրապետության օրենքում լրացում կատարելու մասին փոփոխությունների փաթեթին կողմ քվեարկեց 115 պատգամավոր։
«Փոփոխություններով առաջարկվում է կորոնավիրուսով հիվանդների համար բժշկական օգնության և սպասարկման նպատակով իրենց լիցենզիայով չնախատեսված բժշկական օգնություն և սպասարկում իրականացնող բժշկական կազմակերպությունների կարողությունների օգտագործումը, ինչպես նաև այլ բուժաշխատողների, այդ թվում՝ կլինիկական օրդինատուրայի ավարտական կուրսերի ուսանողների ներգրավումը»,- ներկայացրեց առողջապահության փոխնախարար Անահիտ Ավանեսյանը։
Նշենք, որ նախագծերի փաթեթի երկրորդ ընթերցմամբ և ամբողջությամբ ընդունելու վերաբերյալ քննարկումը ևս նախատեսվում է այսօր։
Մանրամասները՝ տեսանյութում:
