19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ռուսաստանում 1 օրում կորոնավիրուսի 2186 նոր դեպք է գրանցվել. Gazeta․ru
Քաղաքականություն
12.04.2020 | 14:15
Վերջին 1 օրում Ռուսաստանի 52 շրջաններում հայտնաբերվել է կորոնավիրուսային վարակի ավելի քան 2000 և մահվան 24 դեպք։ Այս մասին հայտնում է Gazeta.ru-ն՝ հղում տալով տեղի օպերատիվ շտաբին։
Աղբյուրի փոխանցմամբ՝ խոսքը 2186 քաղաքացու մասին է: Ամենամեծ թվով վարակակիրները հայտրնաբերվել են Մոսկվայում․ 1306 մարդ։ 278 վարակակիր հայտնաբերվել է Մերձմոսկովյան շրջանում: Սանկտ Պետերբուրգում գրանցվել է վարակի 69 նոր դեպք, իսկ Մուրմանսկի շրջանում՝ 61:
Վարակվածների թվով հինգերորդ տեղում Նիժնի Նովգորոդն է, որտեղ հայտնաբերվել է 42 դեպք:
Նշվում է, որ կորոնավիրուսից ապաքինված 246 քաղաքացի հիվանդանոցից դուրս է գրվել:
Հավելենք, որ Ռուսաստանում, ընդհանուր թվով, նոր կորոնավիրուսի 15․770 հաստատված դեպք կա։ Մահվան դեպքերը 130-ն են, իսկ բուժվածների թիվը 1291 է։
Նելլի Մելքոնյան
