08.11.2024 | 23:14
Վթար Աշտարակի խճուղում․ կա տուժած
«Նրանց կյանքովս եմ պարտական»․ Մեծ Բրիտանիայի` կորոնավիրուսով վարակված վարչապետը բժիշկներին շնորհակալություն է հայտնել․ REUTERS
Քաղաքականություն
12.04.2020 | 13:59
Մեծ Բրիտանիայի՝ կորոնավիրուսով վարակված վարչապետ Բորիս Ջոնսոնը, վերակենդանացման բաժանմունքից դուրս գալուց հետո, առաջին անգամ հայտարարությամբ է հանդես եկել։ Նա երախտագիտության խոսքեր է ասել բրիտանացի բժիշկներին․ հայտնում է Reuters-ը։
«Չեմ կարող նրանց բավարար չափով շնորհակալություն ասել։ Նրանց կյանքովս եմ պարտական»,- ասել է Բորիս Ջոնսոնը։
Աղբյուրի փոխանցմամբ՝ վերջին օրերին Մեծ Բրիտանիայի վարչապետը կարճատև զբոսանքներ է ունեցել և այժմ էլ նրա առողջական վիճակը դեպի լավն է գնում։
Հիշեցնենք՝ մարտի 27-ին հայտնի էր դարձել, որ Բորիս Ջոնսոնը կորոնավիրուսով է վարակված։ Ապրիլի 6-ին նրան շտապ հոսպիտալացրել էին և նշել, որ թոքերի արհեստական օդափոխության սարքին միացնելու կարիք կա: Ապրիլի 10-ին Բորիս Ջոնսոնն ինտենսիվ թերապիայի բաժանմունքից դուրս էր եկել։
Նելլի Մելքոնյան
