10.08.2026 | 19:00
Վարժական հավաքներին մասնակցած արտերկրում աշխատողների կորցրած եկամուտը չի փոխհատուցվում
Գեղարքունիքում վարակված առաջին քաղաքացին 34-ամյա կին է՝ Աստղաձոր համայնքից
11.04.2020 | 22:05
Գեղարքունիքի մարզում կորոնավիրուսով վարակված քաղաքացին Աստղաձոր համայնքի բնակիչ է՝ 34-ամյա կին: Այս մասին Factor.am-ի հետ զրույցում հայտնեց Մարտունու ԲԿ-ի տնօրեն Անդրանիկ Հարությունյանը։
Պացիենտը թոքաբորբ է ունեցել, 8 օր բուժում է ստացել Մարտունու ԲԿ-ում։
«Եկել է մեզ մոտ, մենք ինչ-որ պետք է, բուժել ենք, երբ խնդիրներ է ունեցել, ուղարկել ենք Երևան։ Այո՛, թոքաբորբ է ունեցել։ Բայց մենք շատ թոքաբորբով հիվանդներ ենք ունեցել, դեկտեմբերից թոքաբորբ ենք բուժել ու մի հատ չի եղել, հարյուրավոր հիվանդներ են եղել»,- նշեց հիվանդանոցի տնօրենը։
Հարցին՝ արդյո՞ք կորոնավիրուսի կասկածով է պացիենտն ուղարկվել Երևան, ԲԿ-ի տնօրենը պատասխանեց. «Ո՛չ: Երիկամի հետ կապված խնդիր է եղել, ուղարկել ենք Երևան, թեստավորել են, պարզվել է՝ կորոնավիրուս ունի»։
Անդրանիկ Հարությունյանի խոսքով՝ հիվանդանոցի բոլոր աշխատակիցները պաշտպանված են եղել համապատասխան արտահագուստով. «Ովքեր անմիջական շփում են ունեցել, մեկուսացվել են, 4 հոգի։ Թեստերի կարիք առայժմ չկա»:
Նա ընդգծեց, որ հիվանդանոցը շարունակում է իր աշխատանքը, ինչպես նախկինում։
Անժելա Պողոսյան
