05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Ուկրաինան անցնում է «առավելագույն խնայողության ռեժիմի». ռազմական բյուջեին չի բավարարում 27 միլիարդ դոլար
Քաղաքականություն
01.10.2026 | 11:25
Ուկրաինայի վարչապետ Սերգեյ Կորեցկին հայտարարել է, որ երկրի կառավարությունը հետաձգում է բոլոր ոչ առաջնահերթ ծախսերը՝ պետական բյուջեում ոչ բավարար միջոցների պատճառով, գրում է BBC-ի ռուսական ծառայությունը։
Reuters գործակալությունը, վկայակոչելով Կորեցկիի խոսքերը, գրում է, որ այս տարի պատերազմի ընդհանուր արժեքը կկազմի 155 միլիարդ դոլար, իսկ կառավարությունը դեռևս չի կարողանում գտնել 27 միլիարդ դոլար, որն անհրաժեշտ է 2027 թվականին ռազմական գործողությունները շարունակելու համար։
«Կառավարությունն անցել է առավելագույն խնայողության ռեժիմի և հետաձգել է բոլոր ոչ առաջնահերթ ծախսերը։ Սակայն դա բավարար չէ»,- տելեգրամում գրել է Կորեցկին։
Նա հավելել է, որ Ուկրաինայի համար «չափազանց կարևոր է միջազգային գործընկերներից միջոցներ ստանալը»։
Reuters-ը գրում է, որ 2026 թվականին Ուկրաինան «խնդիրներ է ունեցել օտարերկրյա օգնությունն ու ֆինանսական աջակցությունը ժամանակին ստանալու հարցում՝ բարեփոխումների իրականացման ձգձգումների, կոռուպցիոն սկանդալների, ինչպես նաև մի շարք օրենքների շուրջ խորհրդարանի և կառավարության միջև տարաձայնությունների պատճառով»։
Կորեցկիի խոսքով՝ եթե Կիևը չկատարի Արժույթի միջազգային հիմնադրամի ու Եվրոպական միության առջև ստանձնած բարեփոխումների պարտավորությունները, վտանգի տակ կհայտնվի 29,5 միլիարդ դոլարի արտաքին ֆինանսական օգնությունը։ Ուկրաինայի վարչապետը նշել է, որ ֆինանսավորումն ապահովելու համար անհրաժեշտ 42 որոշումներից 17-ն արդեն իրականացվել է։
«Մնացածը մենք պետք է ավարտին հասցնենք, ինչպես խոստացել էինք, մինչև հոկտեմբերի 15-ը։ Այս պարտավորությունների կատարումից է կախված մեր պաշտպանությունը, պետության դիմակայունությունը և Ռուսաստանին դիմակայելու հնարավորությունը»,- հայտարարել է Կորեցկին։
Թարգմանությունը՝ Էմմա Չոբանյանի
