07.03.2026 | 12:34
Ֆինն Գերագուսյանը գոլ է խփել Հայաստանի հավաքական հրավիրվելուց հետո․ ՏԵՍԱՆՅՈՒԹ
Եվրոգոտին դուրս է եկել ճգնաժամից. եվրահանձնակատար
Տնտեսություն
07.11.2017 | 16:31
Եվրոգոտին, որ Եվրամիության մաս է կազմում, դուրս է եկել մի քանի տարի շարունակվող ֆինանսատնտեսական ճգնաժամից: Այդ մասին հայտարարել է տնտեսական ու ֆինանսական հարցերով եվրահանձնակատար Պյեր Մոսկովիսին, հաղորդում է ria.ru-ն:
«Ճգնաժամն անցյալում է, քանի որ տնտեսական աճ կա»,- ասել է նա եվրոգոտու երկրների ֆինանսների նախարարների խորհրդից հետո կայացած մամուլի ասուլիսի ժամանակ:
ԵՄ վիճակագրական ծառայության տվյալներով՝ եվրոգոտու բոլոր երկրները, Հունաստանից բացի, տնտեսական աճ են գրանցել 2016 թվականին: 2017 և 2018 թվականներին Եվրահանձնաժողովն արժութային միության բոլոր պետություններում տնտեսական աճ է ակնկալում: Թեև գործազրկությունը ողջ եվրոգոտու կտրվածքով բարձր ցուցանիշներ է գրանցել՝ մոտ 9 %, սակայն կրճատում է ակնկալվում:
Եվրոպական կայունության մեխանիզմի (ESM) ղեկավար Կլաուս Ռեգլինգը կարծում էր՝ Ֆինանսատնտեսական խոր ճգնաժամը, որ վերջին տասը տարում ապրեց Եվրամիությունը, կարող էր վերջ դնել եվրոպական միասնական արժույթին՝ եվրոյին: Այժմ Ռեգլինգը նույնպես ճգնաժամն անցյալում է համարում:
