18.11.2024 | 21:11
Վահագն Խաչատուրյանը շնորհավորական ուղերձ է հղել Օմանի սուլթանին
Վրաստանում կորոնավիրուսից առաջին մահն է գրանցվել. Sputnik Georgia
Քաղաքականություն
04.04.2020 | 14:32
Վրաստանում նոր կորոնավիրուսից առաջին մահվան դեպքն է գրանցվել։ Այս մասին հայտնում է Sputnik Georgia-ն՝ հղում տալով տեղի Առաջին համալսարանական հիվանդանոցի ղեկավար Լևան Ռաթիանիին։
Նշվում է, որ մահացածը 79 տարեկան կին է, որը հոսպիտալացվել էր մարտի 31-ին: Աղբյուրի փոխանցմամբ՝ Վրաստանում նոր կորոնավիրուսի վարակակիրների թիվը 156 է, իսկ ապաքինվածներինը՝ 28։
Հիշեցնենք, որ նոր կորոնավիրուսային համավարակով պայմանավորված՝ Վրաստանում հայտարարված է արտակարգ դրություն և պարտադիր ինքնամեկուսացման ռեժիմ։ Մարտի 31-ից երկրում սահմանված է նաև պարետային ժամ՝ 21։00-ից մինչև 06։00-ն։ Վրաստանում նաև ամբողջությամբ դադարեցված է հանրային տրանսպորտի ու մետրոյի աշխատանքը։ Երկրի ամբողջ տարածքում տեղադրված են անցակետեր, որոնք հսկում են քաղաքացիների շարժը։
Նելլի Մելքոնյան
