10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
«Ֆրանսիան Հայաստանի ու աշխարհի բոլոր կողմերում ապրող հայերի անկեղծ բարեկամն է». Մակրոնի նամակը Արամ Ա կաթողիկոսին
06.11.2017 | 16:38
Այսօր Ն.Ս.Օ.Տ.Տ. Արամ Ա. Կաթողիկոսը նամակ է ստացել Ֆրանսիայի նախագահ Էմանուել Մակրոնից. տեղեկացնում է armenianorthodoxchurch.org-ն:
Պրն. Նախագահը առաջին հերթին վստահեցնում է, որ Ֆրանսիան «միջազգային իր դաշնակիցների հետ պիտի շարունակի աշխատել խաղաղության և ապահովության ուղղությամբ, հատկապես՝ Միջին Արևելքում՝ պահպանելով ազգային ու կրոնական զանազանությունն ու ինքնությունը։ Ֆրանսիան նաև շարունակելու է պայքարել ծայրահեղության դեմ՝ պաշտպանելով բռնության զոհ դարձած համայնքները»։
Ֆրանսայի նախագահը նաև անդրադարձել է Հայոց ցեղասպանությանը. «Հայոց ցեղասպանությունից 100 տարի անց Միջին Արևելքը տակավին ապրում է բռնության ու բռնակալության մթնոլորտի մեջ: Ֆրանսիան հավատարիմ մնալով իր դիրքորոշմանը, շարունակելու է շեշտել ճշմարտության ու հավաքական հիշողության պահպանման կարևորությունն աշխարհի բոլոր երկրներում, այդ թվում՝ Թուրքիայում: Ֆրանսիան, որ Հայաստանի ու աշխարհի բոլոր կողմերում ապրող հայերի անկեղծ բարեկամն է, լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին՝ հօգուտ շրջանի բոլոր ժողովուրդների»։
