Ռոբերտ Քոչարյանը դեռ «Էրեբունի» ԲԿ-ում է․Լևոն Քոչարյանն այսօր է տեսակցել նրան

Լուրեր

22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
Բոլորը

Մարտի 8-ից «Էրեբունի» բժշկական կենտրոն տեղափոխված երկրորդ նախագահ, Մարտի 1-ի գործով ամբաստանյալ Ռոբերտ Քոչարյանը դեռևս հիվանդանոցում է։ Իսկ քրեական գործով հաջորդ դատական նիստի օրը՝ անհայտ։

Factor.am-ի հետ զրույցում երկրորդ նախագահի որդին՝ Լևոն Քոչարյանն ասաց, որ այսօր է տեսակցել հորը, պարզ չէ, թե նա որքան կմնա հիվանդանոցում: «Ըստ բժիշկների ցուցումների շարունակում է ստացիոնար բուժումը: Դեռևս պարզ չէ, թե որքան այն կտևի: Դատավորը մարտի 13-ից անաշխատունակության վիճակում է, սակայն մեր փաստաբաններին և՛ մարտի 13-ին, և՛ 16-ին դատավորի գրասենյակից հավաստիացրել էին, որ նիստ լինելու է: Եվ միայն մարտի 17-ին` նիստից մի քանի ժամ առաջ, ասել են, որ նիստ չի լինելու, ու մինչ այսօր՝ ոչ մի հստակություն. նույնիսկ հեռախոսազանգերին չեն պատասխանում: Եվ սա այն դեպքում, երբ խափանման միջոց փոխելու հարցը օրենքով պետք է քննվի անհապաղ։ Երբ պաշտպանության կողմից որևէ պատճառով նիստ է հետաձգվում, դուք տեսնում եք, թե ինչպիսի աղմուկ են բարձրացնում մերձիշխանական անձինք, իսկ այս դեպքում` քար լռություն: Այս ամենը պարզապես երկակի ստանդարտի հերթական դրսևորում է»,- նշեց նա:

Հավելենք, որ Ռոբերտ Քոչարյանի պաշտպանները պատրաստվում էին Հայաստանի և Արցախի նախկին վարչապետների անձնական երաշխավորությամբ երկրորդ նախագահին ազատ արձակելու միջնորդություն ներկայացնել մարտի 17-ին նշանակված նիստում։ Անգամ միջնորդությունը հաստատելու համար Հայաստան էր եկել նախկին վարչապետ Կարեն Կարապետյանը։ Դատական նիստը, սակայն, չկայացավ դատավորի վատառողջ լինելու պատճառով։ Քոչարյանի պաշտպաններից Հովհաննես Խուդոյանը դատարանին գրություն էր ուղարկել՝ պարզելու, թե  երբվանից է դատավորը սկսել բացակայել աշխատանքից, որն է անաշխատունակության պատճառը և երբ է դատավորը վերադառնալու աշխատանքի։ Ի պատասխան այս հարցադրումների՝ դատարանի աշխատակազմից տեղեկացրել էին, որ դատավորը մարտի 13-ից գտնվում է ժամանակավոր անաշխատունակության մեջ և տվյալներ կարող են տրամադրել միայն Դանիբեկյանի թույլտվությամբ։ Հաջորդ դատական նիստի օր նշանակելու մասին դատարանից տեղեկություն չեն փոխանցել։

 

Լիլիթ Շաբոյան