17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Էսօր վերջին հանրապետական թափթփուկից բռնած մինչև Գորգիսյան ազատ խոսում են․ Ռուբեն Ռուբինյան. ՏԵՍԱՆՅՈՒԹ
Քաղաքականություն
31.03.2020 | 22:29
Ընդդիմությունը մանիպուլացնում ու անվստահություն է ստեղծում իշխող ուժի նկատմամբ։ Այս մասին հայտարարեց «Իմ քայլը» խմբակցության պատգամավոր Ռուբեն Ռուբինյանը ԱԺ արտահերթ նիստում «Արտակարգ դրության իրավական ռեժիմի մասին» օրենքում և «Էլեկտրոնային հաղորդակցության մասին» օրենքում լրացումներ կատարելու մասին նախագծերի փաթեթի քննարկման ժամանակ։
«Ստեղծում են անվստահություն՝ հույս ունենալով, որ անվստահությունը Կառավարության հանդեպ պետք է նշանակի վստահություն իրենց հանդեպ։ Ես վստահ եմ, որ այդպես չի լինելու»,- ասաց պատգամավորը։
Նրա խոսքով՝ առաջարկվող նախագծով գաղտնալսում չի լինելու, միայն ֆիքսվելու են քաղաքացու ստացած զանգերը։
«Եկեք գնանք սրիկայության կանխավարկածով. ինչո՞ւ մեզ պետք է հետաքրքրի 20 օրվա ընթացքում մարդկանց կոնտակտները ստուգելը, ի՞նչ պետք է ստանանք դրանով։ Եթե մենք լինեինք, ասենք, բռնատիրական պետություն, գուցե ինչ-որ իմաստ լիներ, ասենք՝ վաղուցվանից մտածած լինեինք, որ Գևորգ Գորգիսյանը մեծ վտանգ է այս իշխանության համար։ Բայց այդպես չի, ժողովուրդ ջան, այսօր վերջին հանրապետական թափթփուկից սկսած մինչև Գորգիսյան ազատ խոսում են, գրում են, ուրեմն մնացել էինք այս բանի հույսի՞ն»,- ասաց Ռուբինյանը։
Մանրամասները՝ տեսանյութում:
