«Սա Սամվել Ալեքսանյանը իր երեխային կկերցնի՞». Սիթիում վաճառված նրբերշիկը փորձաքննության է ուղարկվել. ՏԵՍԱՆՅՈՒԹ

Լուրեր

22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
Բոլորը

Ազգային ժողովի նախկին պատգամավոր, օլիգարխ Սամվել Ալեքսանյանի ընտանիքին պատկանող «Երևան Սիթի» սուպերմարկետների ցանցը հերթական աղմկոտ միջադեպի կենտրոնում է հայտնվել: Մարտի 29-ին Երևանի բնակիչ Սևակ Մարտիրոսյանը ֆեյսբուքյան ուղիղ հեռարձակմամբ տեղեկացրել է, որ  Ալեքսանյաններին պատկանող «Երևան Սիթի» սուպերմարկետի Ջրվեժի մասնաճյուղից գնված սնունդը՝ սարդելկաները, բորբոսնած են: Օգտատերը պնդել է, որ իր երեխան կերել է այն և թունավորվել:

«Երբ փորձեցինք բացել «Երևան Սիթի» սուպերմարկետից գնված մթերքը, ամբողջությամբ բորբոսնած էր: Առևտուրը, որ արել ենք «Երևան Սիթի»-ից, եղել է 65 հազար դրամի: Ամեն ինչ բորբոսնած էր, խտացրած կաթն ուռած էր, մենք էլ «Երևան Սիթի»-ում հավատարիմ հաճախորդներ ենք: Երեք անգամ՝ ընդհանուր 120 հազար դրամի առևտուր եմ արել և չգիտեմ, թե ինչ սնունդ եմ առնում»,- նշում է Սևակ Մարտիրոսյանը:

Տեսանյութից, որը հրապարակել է Սևակ Մարտիրոսյանը, պարզ է դառնում, որ անչափահաս երեխան պառկած է անկողնում: Ծնողները շտապօգնության բժիշկների են հրավիրել, որոնք երեխայի հոսպիտալացումը պարտադիր են համարել:

«Տնային պայմաններում չենք կարող բուժել, համապատասխան գործիքակազմ չունենք, չեմ կարող իրեն տանը սիստեմա միացնել: Երեխան հինգ անգամ լուծ է ունեցել, ունի սրտխառնոց, փսխում է»,- ասում է բժիշկը:

Սևակ Մարտիրոսյանը հրապարակված տեսանյութում նշում է, որ «Երևան Սիթի» սուպերմարկետի մշտական հաճախորդ են և գնել են մշտական հաճախորդների համար զեղչով վաճառվող սննդամթերքը: Հաշվի առնելով կորոնավիրուսի նոր տեսակի տարածումը և հայտարարված արտակարգ դրությունը՝ ընտանիքը որոշել է մոտ 70 հազար դրամի մի քանի օրվա սննդամթերք ձեռք բերել:

«Եթե հիմա սա Սամվել Ալեքսանյանը իր երեխային կկերցնի, ուրեմն մենք էլ կկերցնենք: Հարգելի՛ պարոն Ալեքսանյան, քո երեխաները սա կուտե՞ն: Իհարկե, ես երբեք չեմ ցանկանա, որ իրենք նման բան ուտեն: Բայց սա դու պիտի ուտես, ոնց որ դրած զեղչով վաճառում ես: Մենք հավատարիմ հաճախորդ ենք, բայց դու հավատարի՞մի ես քո հաճախորդներին»,- ասում է նա:

Ֆեյսբուքյան օգտատերը նաև պնդել էր՝ գնված սալդերկաները 2018 թվականի արտադրության են:

Հաճախորդի ահազանգի վերաբերյալ Factor TV-ն սուպերմարկետի գլխամասային գրասենյակից պարզաբանում չկարողացավ ստանալ, մեր զանգերն անպատասխան մնացին: Սակայն «Երևան Սիթի» սուպերմարկետի ֆեյսբուքյան էջում հրապարակվել է տեսանյութ, որտեղ ընկերության ներկայացուցիչը հերքում է բոլոր մեղադրանքները:

«Ի պատասխան՝ մենք պաշտոնապես հայտարարում ենք, որ «Երևան Սիթի» սուպերմարկետների ցանցում չի վաճառվում ժամկետանց որևէ ապրանք: Ինչ վերաբերում է նրան, որ հաճախորդը պնդում է, թե նրբերշիկը արտադրված է 2018 թվականին, չի համապատասխանում իրականությանը: 2018 թվականը վերաբերում է արտադրության տեխնիկական պայմանների տրմանը»,- ասվում է տարածված տեսանյութում:

Սննդամթերքի անվտանգության տեսչական մարմնից Factor TV-ն փոխանցեցին, որ քաղաքացու ահազանգից հետո առկա սարդելկայից նմուշառում է կատարվել: ՍԱՏՄ աշխատակիցները եղել են նաև «Երևան Սիթի» սուպերմարկետների ցանցի Ջրվեժի մասնաճյուղում: Պարզվել է, որ քաղաքացու գնած «Մոյա Սեմյա» ապրանքանիշի սարդելկաները և, ընդհանրապես, ամբողջ մսամթերքը, պահվում է սանիտարահիգիենիկ պատշաճ պայմաններում, քաղաքացու նշած 2018 թվականը ապրանքի տեխնիկական պայմանի հաստատման տարեթիվն է, առկա խմբաքանակը ժամկետանց չէ:

Քաղաքացու տնից վերցված սարդելկայի նմուշները տարվել են լաբորատոր փորձաքննության: Սննդամթերքի անվտանգության տեսչական մարմնից Factor TV-ն ասացին, որ արդյունքները հայտնի կլինեն յոթ օրից:

Իսկ ահա «Արաբկիր» բժշկական կենտրոնից փոխանցեցին, որ երեխայի մոտ սննդային թունավորում չի հաստատվել, նա արդեն դուրս է գրվել հիվանդանոցից:

Մանրամասները՝ տեսանյութում:

Նարեկ Կիրակոսյան