08.06.2026 | 06:12
1067 ընտրատեղամասերում քվեարկության նախնական արդյունքները․ ԿԸՀ
ԱԺ-ն չընդունեց զանգերի և տեղաշարժի մասին տեղեկություններ հավաքագրելու վերաբերյալ նախագիծը
Քաղաքականություն
31.03.2020 | 13:44
Համաճարակով պայմանավորված արտակարգ դրության ժամանակ քաղաքացիների զանգերի և տեղաշարժի մասին տեղեկություններ հավաքագրելու վերաբերյալ օրինագծերի փաթեթը Ազգային ժողովը երկրորդ ընթերցմամբ չընդունեց:
«Արտակարգ դրության իրավական ռեժիմի մասին» օրենքում և «Էլեկտրոնային հաղորդակցության մասին» օրենքում լրացումներ կատարելու մասին նախագծերի փաթեթին կողմ քվեարկեց 65 պատգամավոր: «Լուսավոր Հայաստան» և «Բարգավաճ Հայաստան» խմբակցությունների 31 պատգամավորներ չմասնակցեցին քվեարկությանը։ Բացի «Իմ քայլը» խմբակցության ներկա պատգամավորներից, նախագծին կողմ քվեարկեց նաև անկախ պատգամավոր Արման Բաբաջանյանը։ Քվորումն ապահովելու համար պակասում էր 2 ձայն։
Նախագծում առաջինից երկրորդ ընթերցում կատարվել էին որոշակի փոփոխություններ։
Մասնավորապես՝ օրինագծից հանվել էր հեռախոսազանգի սկզբը և ավարտը ֆիքսելը։ Վերանայվել էին այն փոփոխությունները, որոնք կապված էին բժշկական գաղտնիքի փոխանցման հետ, երբ դա տրամադրվում էր երրորդ անձանց։ Այսպիսով՝ եթե անգամ երրրորդ անձը ստանալու էր այս տեղեկությունները, նա օրենքով սահմանված կարգով պետք է կարողանար այդ տվյալները սահմանափակել։ Սահմանվել էր ստացված տեղեկությունների պարտադիր ոչնչացման պահանջը։
Մանրամասները՝ տեսանյութում:
