Հասարակություն
03.11.2017 | 17:04Մեր բյուջեն, որպես հիմնական բնորոշում, կարող է ստանալ «Ո՛չ կրթությանը և ո՛չ գիտությանը» ձևակերպումը. այս մասին այսօր լրագրողների հետ հանդիպմանն ասաց ԵՊՀ բանասիրական ֆակուլտետի դոցենտ, լեզվաբան Նարինե Դիլբարյանը՝ խոսելով 2018թ. բյուջեից:
«Տնտեսության տարբեր պատասխանատուներ՝ ֆինանսական, տնտեսական և այլն, խոսում են հնարավոր աճի, ներդրումների մասին, բայց ինչ վերաբերում է հիմնային ոլորտին, իսկ իմ համոզմամբ հիմնային ոլորտը գիտույթյունն ու կրթությունն է, որովհետև 21-րդ դարում անգամ բանակը հաղթանակի լուրջ կռվաններ ունի միայն այն դեպքում, երբ ինքը ոչ թե քանակի վրա է հիմնված, այսինքն՝ թե քանի զինվոր է կռվում, այլ որակի՝արհեստավարժ զինվորականների, պարզվում է, որ գումարներ չկան»,- նկատեց բանախոսը՝ հարց հնչեցնելով, թե ինչու է ամենախոցելի ոլորտը կրթությունն ու գիտությունը:
Ապա Դիլբարյանն ասաց, որ Երևանի պետական համալսարանը հանրապետության լավագույն հարկատուների ցուցակում առաջին շարքերում է. «Որքան շատ ենք վճարում բյուջեին, այնքան բյուջեն չի ուզում մեզ գումար հատկացնել»:
Մանրամասները՝ տեսանյութում:
