25.04.2026 | 10:26
Դատարանը հաստատել է հաշտությունը․ Աղայան փողոցի հողամասն ու 97 նկուղային տարածքը կվերադարձվեն պետությանը
ՀՀ-ից հեռանալու միակ միջոցը օդային ճանապարհն է. ՌԴ դեսպանատուն
Քաղաքականություն
29.03.2020 | 19:40
Հայաստանից ՌԴ քաղաքացիների կարող են հեռանալ միայն օդային ճանապարհով: ՌԴ քաղաքացիներին ուղղված հաղորդագրություն է տարածել Հայաստանում ՌԴ դեսպանատունը:
Նշվում է, որ ՌԴ կառավարության՝ մարտի 27-ի կարգադրության համաձայն՝ 2020թ. մարտի 30-ից Մոսկվայի ժամանակով 00:00-ից սկսած՝ Ռուսաստանի ցամաքային սահմանների հատումը սահմանափակվելու է:
«Միաժամանակ, Վրաստանում գործող արտակարգ դրության և ավտոճանապարհներին բեռնատար տրանսպորտի կուտակումների պայմաններում, այդ երկրի տարածքով ՌԴ քաղաքացիների տարանցիկ ուղևորությունը 2020թ. մարտի 29-ին հնարավոր չէ:
Այսպիսով, Հայաստանը լքելու միակ հնարավոր ուղին շարունակում է մնալ դեռևս գործող օդային հաղորդակցությունը»,- մասնավորապես ասված է հաղորդագրությունում:
Դեսպանատունը նաև տեղեկացնում է, որ Հայաստանում «Աէրոֆլոտ»-ի ներկայացուցչության փոխանցմամբ՝ Երևանից Մոսկվա առաջիկայում երկու թռիչք է իրականացվելու. մարտի 29-ին (SU 1861 չվերթ) և մարտի 30-ին (SU 1861 չվերթ):
