31.01.2026 | 20:55
Մայր Աթոռը կոչ է անում ՀՀ իշխանությանը և իրավապահ համակարգին գործել բացառապես ՀՀ Սահմանադրության և օրենքի շրջանակներում
Ցանկացած մահ պետք չէ կապել կորոնավիրուսի հետ․ առողջապահության նախարարի խոսնակը՝ 59-ամյա կնոջ մահվան մասին
27.03.2020 | 18:37
Այսօր Կոտայքի մարզի Ալափարս գյուղում 59-ամյա կին է մահացել, ըստ լրատվամիջոցներում տարածված լուրերի՝ միակողմանի թոքաբորբից: Կնոջ մահվան վերաբերյալ տեղեկությունը մեզ հետ զրույցում հաստատեց Ալափարս գյուղի ղեկավար Արտակ Սարիբեկյանը։
Հարցին՝ արդյոք կինը կորոնավիրուսի թեստ հանձնել է, գյուղապետը նշեց, որ չի կարող ասել այդ մասին․ «Դեռ ոչ մի ինֆորմացիա չունեմ, բայց կարծում եմ՝ դրա հետ կապված չէ, հիվանդ կին էր ինքը։ Լսել եմ, որ վատառողջ է եղել, պաշտոնապես ոչինչ չեն հայտարարել։ Տղան և ամուսինը, իմ լսելով, ինքնամեկուսացվել են, ես իրենց տուն գնացի մարդ չկար, հարևաններն էլ տեղեկություն չունեն»։
Գյուղապետը նշեց, որ գյուղում կորոնավիրուսի վարակման դեպքեր չեն գրանցվել․ «Ընդհանուր հանգիստ է, գյուղում արտառոց ոչինչ չկա, մարդիկ իրենց առօրյա կյանքով ապրում են՝ միևնույն ժամանակ պահպանելով Առողջապահության նախարարության կողմից տրվող հրահանգները»։
Առողջապահության նախարարի խոսնակ Ալինա Նիկողոսյանը մեզ հետ զրույցում նշեց, որ նշված կնոջ մահվան վերաբերյալ տեղեկություններ չունի․ «Այդ տեղեկությւոնը առավոտյան մի կայք է դրել, որը հետո հեռացրել է իր էջից։ Ցանկացած մահ պետք չէ կապել կորոնավիրուսի հետ, եթե կա հաղորդում՝ իրավապահների հետ պարզեք՝ ինչի մասին է խոսքը»։
Անժելա Պողոսյան
