Կորոնավիրուսով հիվանդներին հիվանդանոցներից կտեղափոխենք հյուրանոցներ. Նիկոլ Փաշինյան. ՏԵՍԱՆՅՈՒԹ

Այս պահին ունենք կորոնավիրուսի 290 ախտորոշված դեպք, երկու պացիենտի վիճակը գնահատվում է ծայրահեղ ծանր. նրանցից մեկը ԱՄՆ քաղաքացի է, ազգությամբ հայ չէ. մյուսը ՀՀ քաղաքացի է: Այս մասին կառավարության նիստի սկզբում հայտարարեց վարչապետ Նիկոլ Փաշինյանը:

Նրա խոսքով, երկուսն էլ գտնվում են տարիքային բարձր խմբում՝ 75-ից բարձր տարիք ունեն, գտնվում են վերակենդանացման բաժանմունքում:

«Այս ընթացքում ունեցել ենք 18 առողջացման դեպք: Մոտ 100 քաղաքացի մեկուսացված ռեժիմից դուրս է եկել: Նրանց մոտ ախտորոշումը բացասական է եղել, չեն էլ հիվանդացել: Այսօր էլ սպասում ենք առողջացման և ապամեկուսացման դեպքերի»,- ասաց Փաշինյանը:

Նրա խոսքով, այն պացիենտները, որոնց մոտ ախտորոշվել է կորոնավիրուս, բայց նրանց վիճակը թեթև է, որևէ բուժում չեն ստանում կտեղափոխվեն հյուրանոցներ. «Նրանց հիվանդանոցում գտնվելն արդարացված չէ: Այսօր պարոն Ավինյանի և պարոն Թորոսյանի մասնակցությամբ ունեցանք քննարկում ու որոշեցինք, որ թեթև դեպքերին, որոնք, ըստ էության, մեծամասնությունն են, փորձենք աշխատել հյուրանոցների հետ, որպեսզի տեղավորենք նրանց հյուրանոցներում՝ ապահովելով սննդով»:

Փաշինյանի խոսքով, պետք է բանակցել հյուրանոցների հետ, որ այնպիսի գին սահմանվի, որը չի կարող շուկայական լինել. «Մենք, իհարկե, արտակարգ դրության պայմաններում ունենք հնարավորություն վարչական որոշումով հարցը լուծել, բայց այդ ճանապարհով չենք գնա, կբանակցենք հյուրանոցների հետ, որոշակի գին կպայմանավորվենք»:

Մանրմասները՝ տեսանյութում:

Նարեկ Կիրակոսյան