22.06.2026 | 10:48
Արտարժույթների փոխարժեքները՝ հունիսի 22-ի դրությամբ
Արցախում հավաքագրված կամավորները կընդգրկվեն կորոնավիրուսի տարածման կանխարգելման ուղղությամբ տարվող աշխատանքներում
25.03.2020 | 14:18
Արցախում նոր կորոնավիրուսի (COVID-19) տարածման կանխարգելման ուղղությամբ տարվող աշխատանքների շրջանակներում ԱՀ մշակույթի, երիտասարդության հարցերի և զբոսաշրջության նախարարությունը հավաքագրում է կամավորների:
Այս մասին «Արցախպրես»-ի թղթակցի հետ զրույցում ասել է ԱՀ ՄԵՀԶ փոխնախարար Գայանե Գրիգորյանը: Նրա խոսքով՝ Արցախի բոլոր շրջկենտրոններից և մայրաքաղաք Ստեփանակերտից առայժմ գրանցվել են շուրջ 45 կամավորներ, սակայն, ըստ անհրաժեշտության, այդ թիվը կրկնապատկվելու է:
«Արցախում նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի հանձնարարությամբ՝ առայժմ միայն կամավորների հավաքագրում է իրականացվում: Միայնակ, ծեր և հիվանդ անձանց խնամելու անհրաժեշտություն առաջանալու դեպքում՝ ԱՀ աշխատանքի, սոցիալական հարցերի և վերաբնակեցման նախարարության կողմից նրանք կներգրավվեն աշխատանքներում: Բացի դրանից, հնարավոր է նաև նրանց ընդգրկենք այլ գործողություններում՝ ըստ անհրաժեշտության»,- նշել է Գ. Գրիգորյանը:
