07.07.2026 | 01:01
ԱԱ-2026. Իսպանիան հաղթանակ կորզեց Պորտուգալիայի դեմ խաղում. ՏԵՍԱՆՅՈՒԹ
Տիգրան Սարգսյանը ԵԶԲ խորհրդի փոխնախագահ է նշանակվել
Քաղաքականություն
23.03.2020 | 17:11
ՀՀ նախկին վարչապետ, Եվրասիական տնտեսական հանձնաժողովի նախկին նախագահ Տիգրան Սարգսյանը նշանակվել է Եվրասիական զարգացման բանկի (ԵԶԲ) բարձրագույն գործադիր մարմնի՝ խորհրդի նախագահի տեղակալ: Այս մասին տեղեկանում ենք բանկի մամուլի ծառայությունից:
Նշենք, որ Տիգրան Սարգսյանը Եվրասիական տնտեսական հանձնաժողովը ղեկավարում էր 2016-2020 թվականներին: Այս կառույցում նրա պաշտոնավորման ժամկետը լրացել է փետրվարի 1-ին: Միաժամանակ, Տիգրան Սարգսյանը գլխավորում է ԵԶԲ Թվային նախաձեռնությունների հիմնադրամը:
Եվրասիական զարգացման բանկը հիմնադրվել է 2006 թվականին: Նպատակն է՝ նպաստել անդամ պետությունների տնտեսական աճին, ընդլայնել նրանց միջև առևտրատնտեսական համագործակցությունը, ներդրումային գործունեության միջոցով զարգացնել եվրասիական տարածքում ինտեգրման պրոցեսները:
Ներկայում բանկի անդամ է հանդիսանում 6 պետություն՝ ՌԴ-ն, Հայաստանը, Բելառուսը, Ղազախստանը, Ղրղզստանն ու Տաջիկստանը:
