22.06.2026 | 10:48
Արտարժույթների փոխարժեքները՝ հունիսի 22-ի դրությամբ
ՀՀ-ԱՀ հսկիչ անցակետերում բուժանձնակազմերի համար վագոն-տնակներ են տեղադրվել և կահավորվել
22.03.2020 | 18:48
Արցախում կորոնավիրուսի տարածումը կանխելու միջոցառումների շրջանակում ՀՀ-ԱՀ հսկիչ անցակետերում բուժանձնակազմի և այլ պատասխանատու անձանց համար վագոն-տնակներ են տեղադրվել և կահավորվել: Այս մասին տեղեկանում ենք Արցախի Քաղաքաշինության նախարարության ֆեյսբուքյան էջից:
«Նոր տիպի կորոնավիրուսային վարակի (COVID-19) տարածումն Արցախում կանխելուն ուղղված միջոցառումների շրջանակներում, նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի կողմից ԱՀ քաղաքաշինության նախարարությանը հանձնարարվել էր ՀՀ-ԱՀ հսկիչ անցակետերում իրականացնել կահավորման և բուժանձնակազմի համար հարմարությունների ստեղծման աշխատանքներ:
⚠ Արցախի հսկիչ սահմանային անցակետերում ԱՀ Քաղաքաշինության Նախարարության կողմից իրականացվել են հետևյալ աշխատանքները.
↪ «Խարխափուտ» հսկիչ կետում տեղադրվել է 1 վագոն-տնակ և 1 կունգ (9մ երկարությամբ՝ բոլոր հարմարություններով):
↪ «Աղավնո» հսկիչ կետում տեղադրվել է 1 վագոն-տնակ՝ բուժանձնակազմի և այլ պատասխանատու անձանց գիշերակացի համար, միաժամանակ՝ կահավորվել է սպասասրահը՝ վարակակիրների մեկուսացման համար:
↪ «Կովսական» անցակետում տեղադրվել է 1 վագոն-տնակ:
↪ «Խնձորեսկ» հսկիչ կետում տեղադրվել է 2 վագոն-տնակ և կահավորվել: Էլեկտրական ցանցին միացած չլինելու պատճառով, տեղադրվել է 3.5 կվտ հզորությամբ գեներատոր»,- ասված է հաղորդագրությունում:
