27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Հայտնի է, թե որ դատավորին է մակագրվել Արամ Օրբելյանի հայցն ընդդեմ Նիկոլ Փաշինյանի
Հասարակություն
21.03.2020 | 12:05
Ինչպես ավելի վաղ տեղեկացրել էինք փաստաբան, երկրորդ նախագահ Ռոբերտ Քոչարյանի պաշտպան Արամ Օրբելյանը դատական հայց է ներկայացրել վարչապետ Նիկոլ Փաշինյանի դեմ։
Փաստաբանը վարչապետից պահանջում է զրպարտություն հանդիսացող փաստացի տվյալները հերքել և զրպարտությամբ պատճառված վնասը փոխհատուցել։
«Դատալեքս տեղեկատվական համակարգից» տեղեկացանք, որ գործը մակագրվել է դատավոր Ալեքսեյ Սուքոյանին։ Նիստի օրը դեռևս հայտնի չէ։
Հիշեցնենք, որ վարչապետը հայտարարել էր, որ Արամ Օրբելյանը, որը հանդիսանում է Ռոբերտ Քոչարյանի պաշտպանը, «էն ժամանակներում, երբ Մարտի 1-ի հետ կապված գործ էր քննվում ՍԴ-ում, բազմիցս ելումուտ է արել Սահմանադրական դատարան», որը չի արձանագրվել սահմանված կարգով, իսկ «ոստիկանները բացատրություն են տվել, որ ՍԴ նախագահի օգնականը կամ աշխատակազմի ղեկավարն ասել է՝ շեֆի սանիկն է, թող գա, մի գրանցեք»:
Այս հայտարարությունն էլ դատական հայցի հիմք է դարձել։
Լիլիթ Շաբոյան
