14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ուկրաինան Ղրիմում սադրանք է ծրագրում. ՌԴ ԱԳՆ
Քաղաքականություն
19.03.2020 | 23:02
Ուկրաինան մայիսի 3-ին Ղրիմում սադրանք է ծրագրում: ՌԻԱ Նովոստիի փոխանցմամբ՝ այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Ներկայում նոր սադրանք է նախատրաստվում՝ «Քայլերթ դեպի Ղրիմ», մայիսի 3-ին: Դրա կազմակերպիչները՝ այսպես կոչված «Ղրիմա-թաթարական ժողովրդի մեջլիսի» կազմից, պատրաստվում են ուղիղ իմաստով ներխուժել թերակղզի Ռուսաստանի պետական սահմանով»,- ասել է դիվանագետը:
Զախարովայի խոսքով՝ Մոսկվան Կիևին կոչ է արել հրաժարվել նման ծրագրերից:
«Շարունակելով սրել իրավիճակի Ղրիմի թերակղզու շուրջ՝ ԵՄ-ն շարունակում է Ղրիմի բնակիչների նկատմամբ վիզային խտրականության հակամարդասիրական պրակտիկան, ինչը հակասում է ոչ միայն մարդու իրավունքների ոլորտում միջազգային առանցքային ստանդարտներին, այլև հենց ԵՄ-ի մի շարք հիմնարար փաստաթղթերի»,- ասել է Մարիա Զախարովան:
Ավելի վաղ Ուկրաինայի Գերագույն ռադայի նախկին պատգամավոր, «Ղրիմա-թաթարական ժողովրդի մեջլիս» կազմակերպության ղեկավար Ռեֆաթ Չուբարովն ուկրաինական «5-րդ ալիքի» եթերում հայտարարել էր, որ մայիսի սկզբին իր կողմնակիցները պատրաստվում են Չոնգարի անցակետով հատել Ղրիմի հետ սահմանը:
Ղրիմի թաթարների ղեկավար Էյվազ Ումերովը քայլերթի հեղինակներին հորդորել է զերծ մնալ չմտածված քայլերից, իսկ Ղրիմի ղեկավար Սերգեյ Ակսյոնովը կոչ է արել մտածել նման սադրանքի հետևանքների մասին:
