09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Մարդը գիտնական է դառնում իր միջավայրից ելնելով. «Հանուն գիտության զարգացման» նախաձեռնության անդամը՝ զինծառայության օրենքի մասին
Հասարակություն
01.11.2017 | 15:40
«Զինվորական ծառայության և զինծառայողի կարգավիճակի մասին» օրենքի նախագծով նախատեսվում են ակադեմիական տարկետման տրամադրման կարգի փոփոխություններ, համաձայն որոնց՝ ակադեմիական տարկետում կտրամադրվի միայն ՊՆ-ի հետ պայմանագիր կնքող ուսանողներին։
Ըստ «Հանուն գիտության զարգացման» նախաձեռնության անդամների՝ այս նախաձեռնությունը կարող է մեծ վտանգ հանդիսանալ բարձրագույն կրթության ողջ համակարգի համար` խախտելով կրթության շարունակականության սկզբունքն ու իրավունքը: Այսօր այս թեմայով նաձեռնության անդամներն ասուլիս էին հրավիրել:
Հայկ Զաքարյանը նշեց, որ ներկա տվյալներով ասպիրանտների 20 տոկոսն է գիտությամբ շարունակում: «Եթե այս օրենքն ընդունվի՝ այդ թիվը կնվազի»,- համոզմունք հայտնեց նախաձեռնության անդամը:
Ապա բանախոսը հակադարձեց շրջանառվող այն կարծիքին, թե՝ գիտությամբ զբաղվողը կշարունակի զբաղվել. «Ես երիտասարդ գիտնական եմ և կարող եմ ասել, որ դա այդպես չէ: Ոչ թե մարդը ծնվում ու դառնում է գիտնական, այլ մարդը դառնում է գիտնական իր միջավայրից ելնելով: Համակարգը պիտի ուսանողին կրթի, դարձնի գիտնական: Ու եթե այդ միջավայրը չկա, ապա այդ 20 տոկոսը կնվազի ու կդառնա ընդհուպ մինչև 1-2 տոկոս»:
