Նոր կորոնավիրուսով կրկնակի վարակման հավանականությունը բացառել ոչ ոք չի կարող։ Այս մասին հրավիրված ասուլիսում ասաց ՀՀ առողջապահության նախարար Արսեն Թորոսյանը:
«Բայց եթե նույնիսկ այդպես է, մենք պետք է սովորենք այդ վիրուսի հետ ապրել, ինչպես ապրում ենք շատ վիրուսների հետ։ Տասնյակ, առնվազն մի քանիսը կարող եմ նշել՝ գրիպի 3 շտամեր, ռինովիրուս, որոնք բոլորն առաջացնում են մրսածության նշաններ, մի մասը՝ շատ ծանր, մի մասը նույնիսկ իմաստ էլ չկա իմանալու՝ ունես, թե չէ։ Կորոնավիրուսները, որպես ընտանիք, միշտ առաջացրել են մրսածության նշաններ և միշտ շրջանառվել են՝ ոչ այս տեսակը, ուրիշ տեսակներ»,- հավելեց նա։
Նախարարն ընդգծեց, որ պաշտպանիչ միջոցները պետք է լինեն բոլորի համար նույնը՝ վարակված, չվարակված կամ վարակված և առողջացած անձանց համար։
Մանրամասները՝ տեսանյութում։
