17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
25 մլրդ դրամով բիզնեսին աջակցություն կցուցաբերվի. Նիկոլ Փաշինյան. ՏԵՍԱՆՅՈՒԹ
Տնտեսություն
19.03.2020 | 11:23
Կառավարության այսօրվա նիստում վարչապետ Նիկոլ Փաշինյանը տեղեկացրեց, որ քննարկել են հակաճգնաժամային տնտեսական մարտավարությունն ու ռազմավարությունը:
«Մեր որոշումը միանշանակ է. մենք մեր առաջ խնդիր չենք դրել և չենք դնելու՝ վերականգնել նախաճգնաժամային տնտեսական վիճակը, ինչքան էլ այն լավն էր Հայաստանում: Մենք մեր առաջ խնդիր ենք դրել՝ շատ ավելի մեծ ամբիցիաներով առաջնորդվել հետճգնաժամային վիճակի նկատմամբ դիրքավորվելիս, և այստեղից բխում է մեր գործողությունների տրամաբանությունը»,- հավելեց վարչապետը:
Նրա խոսքով՝ այս ընթացքում պետք է զարգացման ծրագրեր իրագործել, կենտրոնանալ բարեփոխումների օրակարգի վրա և, իհարկե, լրջագույն աջակցություն ցուցաբերել տնտեսությանը:
«Այս պահին արձանագրում ենք հետևյալը, որ մոտ 25 մլրդ դրամի բիզնեսին աջակցություն ցուցաբերելու փաթեթ կգործարկենք, ևս 25 մլրդ դրամի սոցիալական աջակցության փաթեթ կունենանք, որը կօգտագործվի ըստ անհրաժեշտության: Եվ երրորդ՝ մոտ 80 մլրդ դրամի կունենանք հիմնադրամ, որը նպատակադրված կլինի տնտեսության վերաձևավորմանը և կարգաբերմանը հետճգնաժամային ժամանակների չափորոշիչներին համապատասխան»,- նշեց Փաշինյանը:
Մանրամասները՝ տեսանյութում:
