08.08.2026 | 19:55
Օգոստոսի 10-ին Հայաստանի մի շարք հասցեներում էլեկտրաէներգիայի անջատումներ կլինեն
Գյումրիում խուճապ չկա, դիմակների դեֆիցիտ էր, պատվիրել ենք. Սամվել Բալասանյան
Հասարակություն
18.03.2020 | 15:27
Factor.am-ի հարցազրույցը Գյումրու քաղաքապետ Սամվել Բալասանյանի հետ
-Պարոն Բալասանյան, կորոնավիրուսի տարածման այս շրջանում ի՞նչ իրավիճակ է Գյումրիում։ Մենք բողոքներ էինք ստացել առ այն, որ խանութներում ու դեղատներում լարված վիճակ է։
-Գյումրիում խուճապ չկա, նորմալ է։ Խանութներում, սուպերմարկետներում շատ գնումներ չեն անում։ Իսկ դեղատների հետ կապված դիմակների դեֆիցիտ կար երեկ, բայց ճարեցինք։ Դե պարզ է, որ հիմա մեծ քանակությամբ անհրաժեշտ է։ Հիմա դիմակներ ու նաև ձեռնոցներ ենք պատվիրել։
-Իսկ սննդամթերքի առումով արդյոք պակասության խնդիր չի՞ առաջանա։
-Կարծում եմ՝ ոչ։ Մենք պահեստավորած ունենք ամեն ինչ։
-Պարոն Բալասանյան, այս պահին Գյումրիում կորոնավիրուսի կասկածով անձ կա՞։
-Թու թու թու, չունենք այս պահին։
-Իսկ քաղաքի մաքրման աշխատանքն ինչպե՞ս է արվում։
-Դե հիմա ձյուն է գալիս։ Բայց դա էլ ենք մաքրում։ Նորմալ է, տեղը տեղին արվում է ամեն ինչ։
-Դուք բնականոն շարունակում եք աշխատե՞լ։
-Իհարկե։ Մենք անգամ շտաբ ունենք ու հսկում ենք։ Ամեն ինչ նորմալ է։
Մերի Մարտիրոսյան
