25.04.2026 | 10:26
Դատարանը հաստատել է հաշտությունը․ Աղայան փողոցի հողամասն ու 97 նկուղային տարածքը կվերադարձվեն պետությանը
Շենգավիթ համայնքում շքամուտքերն են ախտահանվում
17.03.2020 | 17:25
Շենգավիթ վարչական համայնքի «Լիլիթ» համատիրությունը սեփական նախաձեռնությամբ ախտահանում է իր սպասարկման տակ գտնվող բազմաբնակարան շենքերի շքամուտքերը. դռները, բազրիքները, պատերը:
«Մենք 43 շենք ենք սպասարկում»,- Factor.am-ի հարցին ի պատասխան ասաց համատիրության աշխատակիցը:
«Մարդ կա հոտից բողոքում ա»,- զրույցը շարունակեց ախտահանող վարպետը: Իսկ հարցին, թե հոտը սուր է, ինչ նյութով եք ախտահանում, պատասխանեց. «Ժավելի սպիրտի ու քլորի խառնուրդով»:
Նշենք, որ արտակարգ դրություն հայտարարելուց հետո այսօր տեղեկություններ են ստացվել հանրապետության մարզերից, որ ախտահանվում են կանգառները, վճարային տերմինալները, սուրճի ապարատները:
Իսկ Երևանի քաղաքապետարանը յուրաքանչյուր օրվա ավարտին ախտանում է քաղաքային տրանսպորտը՝ ավտոբուսներն ու երթուղային տաքսիները:
Մինչդեռ հարևան երկրում՝ Վրաստանում, կորոնավիրուսի տարածման պատճառով արգելվել է երթուղային տաքսիներով տեղաշարժը: «Մարդիկ իրար ավելի մոտ են նստում, ինչը կարող է նպաստել վիրուսի տարածմանը»,- որոշումը պարզաբանել է Վրաստանի վարչապետ Գիորգի Գախարիան:
