20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Մեկուսացվածների թիվն օրվա ընթացքում կարող է հասնել 420-ի. Արսեն Թորոսյան. ՏԵՍԱՆՅՈՒԹ
16.03.2020 | 18:19
Երեկ երեկոյի դրությամբ ունեցածից ավելի թարմ տեղեկություն, այս պահի դրությամբ, չունենք՝ բացի նրանից, որ նոր մեկուսացումներ են տեղի ունեցել: Կառավարության արտահերթ նիստից հետո հրավիրված ճեպազրույցում նշեց ՀՀ առողջապահության նախարար Արսեն Թորոսյանը:
«Ինչու չունենք, որովհետև թեստերի արդյունքները դեռևս պատրաստ չեն, ունենալուն պես կհրապարակենք: Կրկնեմ, որ այս պահին ունենք 30 հաստատված դեպք, որից 1-ն արդեն դուրս է գրվել հիվանդանոցից, որովհետև համարվում է առողջացած, նրա օրգանիզմում այլևս վիրուս չի հայտնաբերվել: Բոլորի առողջական վիճակը գնահատվում է բավարար, միայն 2-ի մոտ առկա է թոքաբորբ, բայց որևէ մեկի կյանքին վտանգ չի սպառնում»,- տեղեկացրեց նախարարը:
Այսօր առավոտվա դրությամբ՝ մեկուսացվածների թիվը եղել է 380, սակայն օրվա ընթացքում աճել է և, ըստ Թորոսյանի, հնարավոր է՝ մինչև օրվա վերջ հասնի 420-430-ի:
Մանրամասները՝ տեսանյութում:
