01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Կատալոնիայի պաշտոնաթող արված ղեկավարը հայտարարություն է արել
Քաղաքականություն
31.10.2017 | 20:39
Կատալոնիայի առաջնորդ Կառլես Պուչդեմոնը, որը հեռացվել է իր պաշտոնից ու լքել երկիրը, իր առաջին հայտարարությունն է արել: Բրյուսել ժամանած Պուչդեմոնն ասել է, որ ինքը եկել է Եվրոպա շարունակելու իր գործունեությունը «ազատության և անվտանգության» մեջ, հաղորդում է rbc.ru-ը՝ հղում անելով Associated Press-ին:
Լրագրողների հետ զրույցում նա ընդգծել է, որ ինքն ու իր թիմը «կշարունակեն աշխատել, չնայած առկա սահմանափակումներին»: Պուչդենոնն ընդգծել է, որ համաձայն է ընդունել դեկտեմբերի 21-ին նշանակված նոր տարածաշրջանային ընտրությունների մարտահրավերը:
Իսպանիան ցանկանում է, որ Կատալոնիան «հրաժարվի իր քաղաքական նախագծերից»: «Բայց նրանք դա չեն տեսնի», – ասել է նա:
Պուչդեմոնը նաև նշել է, որ չի պատրաստվում Բրյուսելում քաղաքական ապաստարան խնդրել:
«Ես կատալոնացիներին խնդրում եմ պատրաստվել երկար ճանապարհի: Ժողովրդավարությունը հիմք կհանդիսանա մեր հաղթանակի համար»,- նշել է նա:
