18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Արտակարգ դրությունը ի՞նչ արգելքներ է բերում ԶԼՄ-ների աշխատանքում. ՏԵՍԱՆՅՈՒԹ
Քաղաքականություն
16.03.2020 | 15:46
Հայաստանի Կառավարությունն արտահերթ նիստում քննարկում է կորոնավիրուսի նոր տեսակի տարածումը կանխելու նպատակով մեկ ամսով՝ մինչև ապրիլի 16-ը արտակարգ դրություն հայտարարելու հարցը: Սա, ի թիվս այլ սահմանափակումների, ենթադրում է նաև արգելքներ ԶԼՄ-ների աշխատանքում։
Մասնավորապես, Հայաստանում և Հայաստանից դուրս կորոնավիրուսով վարակման առկա և նոր դեպքերի, մարդկանց առողջական վիճակի, վարակի աղբյուների, վարակակիր անձնանց հնարավոր շրջանակի, զննում անցնող անձանց ու մեկուսացվածների քանակի, ինչպես նաև խուճապի հանգեցնող կամ խուճապային իրադրություն ստեղծելու վտանգ պարունակող տեղեկությունների վերաբերյալ հրապարակումների, տեղեկատվական նյութերի, հարցազրույցների, հաղորդումների հրապարակային տարածումը և փոխանցումը ԶԼՄ-ները պարտավոր են կատարել միայն՝ հղում անելով պարետատան տրամադրած տեղեկատվությանը (պաշտոնական տեղեկատվությանը)։ Այսինքն՝ կորոնավիրուսի թեմայով հրապարակումները չպետք է հակասեն պաշտոնական տեղեկատվությանը և պետք է հնարավորինս վերարտադրեն այն:
Այս սահմանափակումը չի կիրառվում այն դեպքում, երբ լրատվամիջոցը տեղեկատվություն հրապարակելիս հղում կկատարի պետական պաշտոնատար անձանց։ Իսկ այն հաղորդումները, որոնք կխախտեն վերը նշված դրույթները, ենթակա են անհապաղ վերացման այն կատարած անձանց կողմից։
