02.03.2026 | 23:11
Դիվանագիտությունը փոթորկվող ծովերում թույլ է տվել անվտանգ նավարկել և մեր պետականության նավը խաղաղ ջրեր բերել. Միրզոյան
Երևանի քաղաքապետարանը զգուշացնում է չգնել փողոցում վաճառվող սննդամթերք
Հասարակություն
16.03.2020 | 14:54
Երևանի քաղաքապետարանը հայտարարություն է տարածել, որով զգուշացնում է չգնել փողոցում, մայթերին վաճառվող սննդամթերքը:
«Հարգելի քաղաքացիներ, Չնայած Երևանի քաղաքապետարանն ամենօրյա, իսկ այս օրերին նաև լրացուցիչ հատուկ հերթապահություն է սահմանել բացօթյա ապօրինի առևտուրը բացառելու համար, որոշ քաղաքացիներ, անտեսելով օրենքն ու նոր կորոնավիրուսի կանխարգելմանն ուղղված միջոցառումները, շարունակում են իրենց գործունեությունը: Ուստի քաղաքապետարանը զգուշացնում և հորդորում է չգնել փողոցում, մայթերին վաճառվող սննդամթերքը: Դրանք համարվում են բարձր ռիսկայնությամբ, վտանգավոր մթերքներ, որոնք, չունենալով պահպանման անհրաժեշտ պայմաններ, կարող են պարունակել վիրուսային տարրեր: Նման ապրանքների նկատմամբ չկա որակի վերահսկողություն: Պահպանե՛ք և մի՛ վտանգեք ձեր առողջությունը»,- ասվում է քաղաքապետարանի հայտարարության մեջ:
