24.02.2026 | 11:33
Եկեղեցին ասում է՝ օտարումն ընդհանրապես արգելեք․ Սիսակ Գաբրիելյան․ ՏԵՍԱՆՅՈՒԹ
Այսօր կորոշենք՝ կարիք կա՞ ՀՀ-ում կորոնավիրուսի կապակցությամբ արտակարգ դրություն հայտարարել. վարչապետ. ՏԵՍԱՆՅՈՒԹ
16.03.2020 | 09:01
Այսօր մոտ մեկ ժամից ՀՀ կառավարությունում խորհրդակցություն կհրավիրվի՝ որոշում կայացնելու, արդյո՞ք կարիք կա կորոնովիրուսով պայմանավորված՝ Հայաստանում արտակարգ դրություն մտցնել, թե՝ ոչ։ Այս մասին վաղ առավոտյան ուղիղ եթերում հայտնեց վարչապետ Նիկոլ Փաշինյանը։
Մեկ նորություն էլ կա՝ կորոնավիրուսով վարակվելու դեպք արձանագրվել է նաև Երևանի արտադրական ձեռնարկություններից մեկում՝ 28 վարակակրի շրջանակում․ «Գիշերը աշխատանքներ են տարվել այդ ձեռնարկությունում՝ հասկանալու համար, թե ովքեր են կոնտակտավորները, մեկուսացման աշխատանքներ են իրականացվել և շարունակվել են»։
Արտակարգ դրություն կարող է հայտարարվել կամ ամբողջ հանրապետությունում կամ առանձին շրջաններում: «Եթե հայտարարվի արտակարգ դրություն, համաճարակային գոտիներում առավել խիստ հսկողություն կսահմանվի։ Էջմիածնի 27 ելքերից ու մուտքերից միայն 3-ն են աշխատում։ Քաղաքից դուրս եկող մեր հայրենակիցները ջերմաչափվում են և եթե ունեն ջերմություն, կինքնամեկուսացվեն»,- հայտարարեց վարչապետ Նիկոլ Փաշինյանը։
Այսօր առավոտյան է վարչապետը Երևան վերադարձել Սևանից, որտեղ ինքն ու Աննա Հակոբյանը ինքնամեկուսացվել էին։ Նրանց երկրորդ թեստի պատասխանը ևս բացասական է։
Վարչապետը հորդորում է քաղաքացիներին միմյանց տեսնելիս չհամբուրվել, շփումները մինիմալի հասցնել։ Պարենային անվտանգության պրոբլեմ, ասաց, չկա՝ հարցը կկարգավորվի, եթե նման խնդիր առաջանա: «Սա ճգնաժամ է, բայց այս ճգնաժամից պետք է դուրս գանք հաղթանակած»,- եզրափակեց Փաշինյանը։
Մանրամասները՝ տեսանյութում:
