26.09.2026 | 20:38
Քաղաքացին ընկել է ջրհորը. նա հոսպիտալացվել է
Իրանում կորոնավիրուսով վարակվածների թիվը հասել է 11.364-ի. 514 մարդ մահացել է
Քաղաքականություն
13.03.2020 | 18:00
Իրանում կորոնավիրուսով վարակվածների թիվը հասել է 11.364-ի, որոնցից 514-ը մահացել է: Միաժամանակ, վարակվածներից 3.529-ն առողջացել է: Այս մասին գրում է ԻՌՆԱ-ն՝ վկայակոչելով Իրանի առողջապահության նախարարության ներկայացուցիչ Կիանուշ Ջահանպուրին:
«Վերջին օրերին կորոնավիրուսով վարակվելու 1.289 նոր դեպք է բացահայտվել, այսպիսով Իրանում վարակվածների թիվը հասել է 11.364-ի: Բացի այդ, վարակի զոհերի թիվը հասել է 514-ի»,- ասել է պաշտոնյան:
Նոր տիպի կորոնավիրուսի բռնկումն արձանագրվել է 2019 թվականի դեկտեմբերի վերջին Կենտրոնական Չինաստանի՝ 12 մլն բնակչություն ունեցող Ուհան քաղաքում:
Հիշեցնենք, որ Առողջապահության համաշխարհային կազմակերպությունը մարտի 11-ին նոր կորոնավիրուսի բռնկումը համաճարակ հայտարարեց:
Ներկայում աշխարհի ավելի քան 110 երկրում 125 հազարից ավելի մարդ է վարակվել: Նրանց մեծ մասն առողջացել է, սակայն ավելի քան 4 հազար հիվանդ մահացել է:
