Տեսանյութեր
13.03.2020 | 15:28Հայաստանում նոր տեսակի կորոնավիրուսի երկու նոր դեպք կա։ Այս մասին քիչ առաջ ֆեյսբուքյան ուղիղ եթերի ընթացքում տեղեկացրեց առողջապահության նախարար Արսեն Թորոսյանը։
Նրա խոսքով՝ վարակակիրները շփում են ունեցել Էջմիածի այն քաղաքացու հետ, որի մոտ մարտի 11-ին կորոնավիրուս էր հայտնաբերվել։
«Ունենալով գանգատներ, նրանք տեղափոխվել էին Նորքի ինֆեկցոն հիվանդանոց, և նրանց կորոնավիորուսի թեստը դրական է ցույց տվել։ Նրանք իրենց լավ են զգում։ Նրանց ընտանիքներն արդեն մեկուսացված են, ինչպես նաև հիմա պարզվում է՝ արդյոք մեկուսացման կարիք ունեցող այլ անձինք կան։ Այսպիսով, այժմ ունենք կորոնավիրուսի 8 հաստատված դեպք, որոնցից 5-ը նույն խմբից են։ Դա, իհարկե, վատ է, բայց, համաճարակաբանական առումով ավելի լավ է, քան 8 անկախ դեպք ունենալը։ Ստացվում է՝ մենք ունենք կորոնավիրուսի 4 անկախ դեպք»,- ասաց Արսեն Թորոսյանը։
Մանրամասները՝ տեսանյութում։
Նելլի Մելքոնյան
