06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
Էջմիածնեցի վարակված կինը գնացել է ոսկերչի ու վարսավիրի մոտ, մասնակցել հարազատի նշանադրությանը. Նիկոլ Փաշինյան. ՏԵՍԱՆՅՈՒԹ
Հասարակություն
13.03.2020 | 13:42
Կառավարության ընդլայնված կազմով խորհրդակցությունից հետո վարչապետ Նիկոլ Փաշինյանը ֆեյսբուքյան ուղիղ եթերում անդրադարձել է նաև Էջմիածնի դեպքին, որի հետևանքով մեկուսացվել են մի գերդաստանի ընտանիքներ:
«Մենք այս պահին ունեք ամենաաղաղակող դեպքը Էջմիածնում, երբ մի ընտանիքի 3 անդամների մոտ հաստատվել է կորոնավիրուսը և մի գերդաստանի ընտանիքները մեկուսացված են»,- ասաց Փաշինյանը։
Նա նշել է, որ Էջմիածնի բնակիչ կինը, վերադառնալով Իտալիայից, ունեցել է վատ ինքնազգացողություն, ջերմություն և ջերմիջեցնողներ է ընդունել:
«Բառացիորեն սիստեմաների տակից դուրս գալով, նա գնացել է ոսկերչի մոտ, հետո՝ վարսավիրի մոտ, իսկ հետո՝ մասնակցել հարազատի նշանադրությանը: Եվ հիմա ունենք այս պատկերը: Մեկուսացված են նաև ոսկերիչն ու վարսավիրը, նշանադրության բոլոր մասնակիցները: Այս պահին հաստատված է, որ կինը վարակել է իր ամուսնուն ու մորաքրոջ տղային, իսկ մյուսների մասին պատկերը դեռ անհայտ է»,- ներկայացրեց վարչապետը:
Մանրամասները՝ տեսանյութում:
