07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Սա շատ լուրջ է, նման բան երբեք չէր եղել. Տաթևիկ Ռևազյան. ՏԵՍԱՆՅՈՒԹ
Քաղաքականություն
13.03.2020 | 12:40
Կիրակի Իտալիայից Հայաստան նախատեսված հատուկ չվերթի հետ կապված հարցերն են քննարկվում՝ հասկանալու համար, թե ինչպես պետք է այն կազմակերպել, որպեսզի հնարավոր վարակվածների կողմից հիվանդությունը փոխանցելու հավանակությունը նվազագույնի հասցվի: Լրագրողների հետ զրույցում այս մասին ասաց Քաղաքացիական ավիացիայի կոմիտեի ղեկավար Տաթևիկ Ռևազյանը:
Այլ երկրների հետ Հայաստանի օդային սահմանի փակման հարց դեռևս չի քննարկվում: Տաթևիկ Ռևազյանն ասաց՝ դա կարող է ավելի լրջացնել խնդիրը:
«Օդային սահմանը փակելը, թվում է, մեր բոլոր խնդիրները կլուծի, բայց դա կարող է խնդիրը լրջացնի: Որովհետև այս նույն ուղևորները, որ եկել են և վարակված են եղել, եթե նրանք տրանզիտով գային, շատ ավելի բարդ կլիներ իրավիճակը: Երբ մենք ունենք ուղիղ չվերթ, կարող ենք միջոցառումներ կազմակերպել օդանավակայանում, որպեսզի իրենք չխառնվեն մնացած ուղևորների հետ»,- նշեց նա:
Ստեղծված իրավիճակում, չվերթների չեղարկման պայմաններում Հայաստանի քաղավիացիայի կրած վնասների մասին հարցին կոմիտեի ղեկավարը պատասխանեց. «Դեռ վաղ է ասել վերջնական, թե ինչ վնասներ ենք կրելու, բայց սա շատ լուրջ է: Նման բան, երևի, երբևէ չի եղել ամբողջ աշխարհում»:
Մանրամասները՝ տեսանյութում:
