Նիկոլ Փաշինյանը ճիշտ չի ասում, պետք է լրջանա՛լ․ Արտակ Զաքարյան. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

ՀՀ վարչապետ Նիկոլ Փաշինյանը հանրահավաքում, կարելի է ասել, շոկային հայտարարություններ է արել երկրի անվտանգության համակարգի մասին: Նա նշել է, թե երբ իրեն զեկուցել են բանակում տիրող իրադրության մասին, իր առաջին արձագանքը եղել է՝ թողնել, գրասենյակից փախչելը, որովհետև այդքան աղետալի է եղել դրությունը, և որ դա խոստովանել է անձամբ Սերժ Սարգսյանը. «Բանակը կռվում էր 80-ականների զենքով»։

ՀՀԿ խորհրդի անդամ Արտակ Զաքարյանը Factor TV-ի եթերում արձագանքելով այս հայտարարություններին՝ ասաց՝ տպավորություն ունի, որ ամեն օր ստիպված են մանիպուլիատիվ, օդից վերցրած, կոնկրետ քաղաքական նպատակ և նշանակություն ունեցող հայտարարություններ մեկնաբանել:

«Դա ամբողջությամբ սխալ մեկնաբանություն է։ Բանակի անվտանգային համակարգը և Զինված ուժերը տարիներ ի վեր զարգացել են, և հենց դա է եղել զսպող մեխանիզմը, որի պարագայում հակառակորդը զերծ է մնացել ուժի կիրառումից։ Ապրիլյան մարտական գործողությունների ժամանակ տեսանք, թե ընդամենը չորս օր հետո, հասկանալով, որ շատ մեծ խնդրի առաջ է կանգնել, Ադրբեջանը Ռուսաստանի Գլխավոր շտաբին խնդրեց բանակցել հայերի հետ՝ նորից հրադադարի ռեժիմը վերականգնելու հարցի շուրջ։ Պետության ղեկավարի կողմից նման հայտարարությունը սխալ է»,- պատասխանեց ՀՀԿ-ական իշխանության օրոք պաշտպանության փոխնախարարի պաշտոնը զբաղեցրած Արտակ Զաքարյանը:

Սերժ Սարգսյանն օրերս Բրյուսելում հանդիպեց ԵԺԿ նախագահի հետ, խոսք է գնացել նաև հանրաքվեի մասին։ Ապա Նիկոլ Փաշինյանն էր Բրյուսելում, և կրկին հանդիպեց Դոնալդ Տուսկի հետ։ Հանրահավաքներից մեկում Փաշինյանը մեղադրանքի սլաքներ ուղղեց ՀՀԿ-ականների ուղղությամբ, որոնք նախ Կառավարությանը մեղադրում են արևմտամետ լինելու մեջ, ապա գնում են, «Եվրոպայի միջանցքներում աղիողորմ լացում, թե մեզ ճնշում են Հայաստանում»։

Այսօր էլ Նիկոլ Փաշինյանն ասել է. «Ձեր դիվանագիտությունը ի՞նչ է եղել, ինչքան օտար անձնագրով մարդ է եղել, կոշիկները լիզել եք, ողբերգությունն այն է՝ դա արել եք մեր անունից»։

Արտակ Զաքարյանը չի ընդունում այս քննադատությունը՝ այն ավելի շուտ բամբասանքի նմանեցնելով. «Բա՞րդ է հասկանալ, որ միջկուսակցական հարաբերություններն ամբողջ աշխարհի համար նորություն չեն, և դա տվյալ երկրի ու կուսակցության ձեռքբերումն է։ Մենք ունենք բազմաթիվ լծակներ ու հնարավորություններ՝ անհրաժեշտության դեպքում ծառայեցնելու մեր պետության շահերին։ Չի կարելի պրիմիտիվ հայտարարություններ… վերջապես պետք է լրջանալ։ Ամբողջ աշխարհը խրվում է սպառնալիքների մեջ, մենք օդից վերցրած, օդից կախված հայտարարություններ ու մեղադրանքներ ենք միմյանց հասցեին հնչեցնում։ ՀՀԿ-ն երբեք կարիք չունի դրսում սևացնել պատկերը, որովհետև մեր երկրում կան տարբեր երկրների դեսպաններ, ովքեր շատ լավ ներկայացնում են, թե ինչ է կատարվում»:

Սերժ Սարգսյանը դատարանի դիմաց իր աջակիցներին էր դիմել՝ ասելով, որ Արցախը չի լինելու Ադրբեջանի կազմում։ Արտակ Զաքարյանին հիշեցրինք Նիկոլ Փաշինյանի՝ իրենց ուղղված հարցերը. «Եթե Արցախ պահող էիք, ինչո՞ւ էր բանակը կռվում 80-ականների զենքով, եթե Արցախ պահող էիք, ինչո՞ւ հակաօդային քայքայված համակարգ ունեինք 2018-ի դրությամբ, ինչո՞ւ էիք զինվորներին կերակրում արջերի ու շների կերակուրով, Արցախը պահելու համա՞ր էիք անում։ Սերժ Սարգսյանը զինվորների կերակուրից կյանքում կերե՞լ է»։

Փաշինյանը նաև ասում է՝ ինքը կերել է, ստամոքսի այրոցք է առաջացել։

«Պարոն Փաշինյանը ճիշտ չի ասում, տարբեր առիթներ եղել է՝ ինքն էլ պատգամավորների հետ գնացել է առաջնագիծ, նաև օգտվել է զինվորական սննդից, և նման տպավորություն, կարծես թե, չի եղել»,- արձագանքեց Արտակ Զաքարյանը։

Հարցազրույցն ամբողջությամբ՝ տեսանյութում:

Ռոբերտ Անանյան