09.07.2026 | 17:11
Վահագն Խաչատուրյանը հրաժեշտի հանդիպում է ունեցել Հայաստանում Հունգարիայի դեսպան Աննա Մարիա Շիկոյի հետ
Դատական օրենսգրքի այս նախագիծը փաստաբաններին դատարանների համար կանխատեսելի, կառավարելի և վերահսկելի դարձնելու միջոց է. փաստաբան
Հասարակություն
31.10.2017 | 12:45
Փաստաբան Նորայր Նորիկյանն իր ֆեյսբուքյան էջում անդրադարձել է ՀՀ Արդարադատության նախարարության կողմից շրջանառության մեջ է դրված ՀՀ «Դատական օրենսգիրք» սահմանադրական օրենքի նախագծին, որի 12-րդ գլխով սահմանվել են դատական սանկցիաների տեսակներն ու դրանց կիրառման ձևերն ու պայմանները:
«ՀՀ Արդարադատության նախարարության կողմից շրջանառության մեջ է դրվել ՀՀ ՛՛ԴԱՏԱԿԱՆ ՕՐԵՆՍԳԻՐՔ՛՛ սահմանադրական օրենքի նախագիծը, որի 12-րդ գլխով սահմանվել է դատական սանկցիաների տեսակներն ու դրանց կիրառման ձևերն ու պայմանները:
Նույն օրենքի 72-րդ հոդվածով, որպես դատական սանկցիա, սահմանվել է դատական տուգանք մինչև 100.000 ՀՀ դրամի չափով դատավարությանը մասնակցող անձանց՝ այդ թվում և փաստաբանների նկատմամբ:
Իմ խորին համոզմամբ, սա ոչ այլ ինչ է, եթե ոչ փաստաբաններին դատարանների համար կանխատեսելի, կառավարելի և վերահսկելի դարձնելու միջոց, ասել է թե՝ դատարանի հլու հնազանդ կամակատարը դարձնելու գործիք, ինչը, վերջին հաշվով, խայտառակություն է, որի հետևանքով արդարադատության իրականացման ամբողջ գործընթացը կդառնա կասկածելի ու անպիտան:
Որպես փաստաբան, հորդորում եմ նախագծի հեղինակներին փաստաբաններին վերաբերող մասով հանել օրենքի նախագծից այս անհեթեթությունը:
Հ.Գ. Կարծում եմ, որ պետք է ձևավորվի կտրուկ դիրքորոշում նշված հարցի կապակցությամբ և այն հստակ կերպով ներկայացնել շահագրգիռ բոլոր սուբյեկտներին՝ պնդումով, որ սա մարտահրավեր է անկախ փաստաբանությանը և մարդու իրավունքների ողջ փիլիսոփայությանը…»:
