Ավագանու նիստին իմ ասած «ստերջացումը» կտեսնեք Անի Խաչատրյանը պնդում է՝ բռնություն չի տարածել. ՏԵՍԱՆՅՈՒԹ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Երևանում թափառող շների հարձակումների վերաբերյալ ֆեյսբուքում գրեթե ամեն օր լուսանկար կամ տեսանյութ է հրապարակվում: Նախօրեին Մալաթիա-Սեբաստիա վարչական շրջանում հարձակման է ենթարկվել ավագանու «Լույս» խմբակցության անդամ Անի Խաչատրյանի անչափահաս դուստրը: Դեպքից հետո Անի Խաչատրյանը ֆեյսբուքում սուր գրառում էր կատարել: Նա Երևանի քաղաքապետարանի ենթակայությամբ գործող «Թափառող կենդանիների վնասազերծման» ՀՈԱԿ-ի աշխատակիցներին սպառնացել էր ստերջացնել նրանց, եթե  չստերջացված շուն տեսնի Մալաթիա-Սեբաստիա վարչական շրջանի Բաբաջանյան փողոցին հարող այգիների տարածքում:

Անի Խաչատրյանից  հետաքրքրվեցինք՝ արդյոք սա բռնության կամ ատելության խոսքի քարոզ չէ՞, այն պարագայում, երբ Ազգային ժողովն ատելության հրապարակային քարոզը քրեականացնող օրենքի ընդունումն է քննարկում: «Երբ երեխայիս անվտանգությունն է վտանգված, որպես ծնող ի՞նչ կերպ կարելի էր խոսել: Դա ատելության խոսք չէ: Այս ավագանու նիստին իմ ասած ստերջացումը կտեսնեք»,- ասաց Անի Խաչատրյանը:

Թափառող կենդանիների վնասազերծման ՀՈԱԿ-ի աշխատակիցներն ու տնօրենի պաշտոնակատարը հրաժարվում են մեկնաբանել ավագանու անդամի՝ իրենց ստերջացնելու մասին հայտարարությունը: Իսկ ահա ավագանու իշխանական խմբակցության ներկայացուցիչ Նուարդ Վարդանյանը կարծում է, որ գործընկերոջ խոսքը կոպիտ էր: Նուարդ Վարդանյանը միաժամանակ հիշում է, թե ինչպես «Իմ քայլը» խմբակցության ավագանու անդամ Հենրիկ Հարթենյանը մանդատը վայր դրեց, երբ ֆեյսբուքում ՍԴ նախագահ Հրայր Թովմասյանի ենթադրյալ դստերն ուղղված ատելության քարոզ էր  իրականացրել:

«Ամեն քաղաքական գործիչ ունի իր խոսելաոճը, քանի որ խնդիրն առկա է, ես չեմ ցանկանում մեկնաբանել Անիի խոսքը: Սակայն, այո՛, խոսքը կոպիտ էր: Մենք թույլ չենք տա, որ երբևէ որևէ մեկը մեր քաղաքական թիմից ատելության խոսք տարածի, դա մեր սկզբունքներին դեմ է»,- ասաց Նուարդ Վարդանյանը:

Այնուհանդերձ իշխանական խմբակցության ներկայացուցիչը փաստում է, որ Երևանում առկա է թափառող կենդանիների խնդիրը: Օրերս ֆեյսբուքում օգտատերերի կողմից հրապարակվել էր տեսանյութ, թե ինչպես է Կասկադին հարող տարածքի բացօթյա սրճարաններից մեկում շների ոհմակ շրջում և հարձակվում տարեց մի անցորդի վրա:

«Թափառող կենդանիների վնասազերծման» ՀՈԱԿ-ի շուրջ աղմուկը միայն փողոցներում առկա վտանգավոր շների առկայությամբ չի ավարտվում: «Լույս» խմբակցության ավագանու անդամ Անի Խաչատրյանը պնդում է, որ ՀՈԱԿ-ի տնօրենի պաշտոնակատար Հրաչյա Աղաբեկյանը և փոխտնօրենը  նախկին ոստիկաններ են, իսկ կառույցի քարտեզագրող-հսկիչն էլ «Կարգին հաղորդման» դերասաններից  Աշոտ Մելոյանն է:

Թափառող կենդանիների վնասազերծման ՀՈԱԿ-ում  Factor TV-ի այցելության պահին տեղում էր միայն Աշոտ Մելոյանը: Նա հրաժարվեց հարցազրույցից, սակայն նշեց, որ աշխատանքի ընդունվել է հայտարարությամբ:  Իսկ ահա տնօրենի պաշտոնակատարն այս տեղեկությունների վերաբերյալ փոխանցեց. ««Կարգին հաղորդումից» դերասան է ընդունվել, թե չի ընդունվել՝ ես չգիտեմ, ես «Կարգին հաղորդման» դերասաններին չեմ ճանաչում։ Իսկ որտե՞ղ է գրված, թե մեզ մոտ ով պետք է ընդունվի, ով՝ ոչ։ Ձեր ասած «Կարգին հաղորդման» դերասանն այնպիսի աշխատանք է կատարում, որը նեղ մասնագե՞տ է պահանջում։ Այս հիմնարկում նեղ մասնագետներ միայն բժիշկներն են։ Այո՛, մեզ մոտ Աշոտ Մելոյան անուն ազգանունով աշխատակից կա»,- ասաց տնօրենի պաշտոնակատարը։

«Թափառող կենդանիների վնասազերծման» կենտրոնի տնօրենի պաշտոնակատար Հրաչյա Աղաբեկյանը  նախկինում Ոստիկանությունում  աշխատելու մասին տեղեկությունը հերքեց:

Անդրադառնալով  «Թափառող կենդանիների վնասազերծման» ՀՈԱԿ-ի աշխատակիցներին ստերջացնելու մասին իր գրառմանը՝ «Լույս» խմբակցության անդամ Անի Խաչատրյանն ամեն դպքում սրբագրեց իր  հայտարարությունը՝ ասելով, որ այն փոխաբերական իմաստով է ասել. «Ես մարդուն չեմ կարող ֆիզիկապես ստերջացնել: Ավագանու նիստին այդ մասին խոսելու եմ, դա փոխաբերական իմաստով եմ ասել, երևի, չակերտներն էին պակասում»:

Մանրամասները՝ տեսանյութում:

Նարեկ Կիրակոսյան