Ի՞նչ են պահանջում Օպերայի հարթակում նստացույց հայտարարած քաղաքացիները

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Շուրջ մեկ տասնյակ քաղաքացիներ այսօրվանից Օպերայի շենքի հարթակում նստացույց սկսեցին։ «Համահայկական ազգային համաձայնություն» անվան ներքո խմբված այս մարդիկ ասում են՝ իրենք ազգային գաղափարախոսության կրողներ են՝ դեմ են ինչպես նախկին իշխանություններին, այնպես էլ ներկա իշխանության քաղաքականությանը, չեն պատկանում ո՛չ «Այո»-ի, ո՛չ «Ոչ»-ի, ո՛չ էլ, այսպես ասած, «մոխրագույն» հատվածին։

Նրանք պահանջում են նոր Սահմանադրություն ընդունել, մինչ այդ՝ հրավիրել նոր սահմանադիր ժողով և հասնել նոր Սահմանադրության հոդվածների՝ համընդհանուր ընդունմանը:

«Երկու տարի է՝ ժողովուրդը խաբված է, քանի որ հեղափոխությունից հետո մնացել է հին Սահմանադրությունը, որը Սերժի կոստյումն է, որը այն հիմքն է, որով ձևավորվում է բռնատիրական, տոտալիտար համակարգ, որտեղ իշխանությունը բևեռացվում է մեկ անձի ձեռքում։ «Այո»-ն կամ «Ոչ»-ը խաբեություն է նմանապես, երկու դեպքում էլ հաստատում եք Սերժի Սահմանադրությունը։ Երկու տարի է, այսպես կոչված, հեղափոխականները, Սերժ Սարգսյանի կոստյումով՝ 2015-ի Սահմանադրությամբ փորձում են շարժվել առաջ։ Սա անհարիր է ժողովրդավարական սկզբունքներին»,- ասաց հավաքի ներկայացուցիչ Արթուր Արմինը։

Նա կարծում է, որ այս իշխանությունը պետք է բանտ ուղարկի Սերժ Սարգսյանին ու նրա թիմակիցներին, որից հետո սկսվի նոր Սահմանադրության ընդունման գործընթաց։

«Համահայկական ազգային համաձայնություն» հավաքի մասնակից Հրաչիկ Հակոբջանյանը կարծում է, որ «Այո»-ի և «Ոչ»-ի ընտրությունը հասարակությանը բաժանում է սևերի ու սպիտակների: «Եթե մենք ուզում ենք երկրում փոփոխություններ լինեն, մենք պետք է ունենանք երկրի զարգացման ծրագիր։ Դժգոհ ենք, որ հեղափոխությունը եղավ անձերի փոփոխություն, և ոչ՝ համակարգի փոփոխություն։ Երկիրը պետք է շնչի և արտաշնչի ազգային գաղափարներով։ Նոր Սահմանադրությունը պետք է մեկին մեկ համապատասխանի անկախության հռչակագրի դրույթներին»,- ասաց Հակոբջանյանը։

Նստացույցը շուրջօրյա չէ՝ նախանշված է ճիշտ աշխատանքային օրվա ռիթմով՝ ութժամյա է․ սկսվում է ժամը 12։00-ին և ավարտվելու է 20։00-ին։ Այն կտևի ուղիղ չորս օր՝ ուրբաթ օրը երեկոյան 8-ին կդադարեցնեն, իսկ թե ինչ կհաջորդի շաբաթ-կիրակիին, այսօր չեն մանրամասնում։

Ռոբերտ Անանյան