05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Factor TV-ի անդրադարձից հետո Դարակերտ համայնքի էլեկտրաէներգիայի տատանումների խնդիրը կարգավորվել է
Հասարակություն
09.03.2020 | 10:52
Արարատի մարզի Դարակերտ համայնքի էլեկտրաէներգիայի տատանումների խնդիրը կարգավորվել է: Այս մասին Factor.am-ին տեղեկացրին գյուղի բնակիչները:
Հիշեցնենք, որ Factor TV-ին այս տարվա փետրվարի 3-ին «Ահազանգ․ Դարակերտում և Առինջում հոսանքի տատանումների պատճառով գյուղացիների տեխնիկան վնասվում է» վերտառությամբ հոդվածում ներկայացրել էր Դարակերտ համայնքի էլեկտրաէներգիայի խնդիրը:
Մեր հրապարակումից մեկ ամիս անց բնակիչները տեղեկացրել են, որ ՀԷՑ ընկերության «Մասիս» էլեկտրացանցը փոխել է էլեկտրաէներգիայի մատակարարման մալուխները, ինչից հետո տատանումները դադարել են:
Մեր հրապարակման մեջ ներկայացրել էինք նաև, որ բնակիչները տատանումներից նյութական վնասներ էին կրել: Մասնավորապես, շարքից դուրս էր եկել էլեկտրատեխնիկան: Բնակիչներն ասացին, որ ՀԷՑ-ը պարտավորվել է վերանորոգել տեխնիկան կամ որպես փոխհատուցում վճարել տեխնիկայի ինքնարժեքը:
Մենք անդրադարձել էինք նաև Կոտայքի մարզի Առինջ համայնքում առկա նույնատիպ խնդրին: Այս համայնքում էլ տատանումները կարգավորելու համար անհրաժեշտ էր նոր հոսանքափոխարկիչ տեղադրել: Համայնքի բնակիչները տեղեկացրել են, որ ՀԷՑ-ն արդեն տեղադրման աշխատաքները սկսել է:
Նարեկ Կիրակոսյան
