02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Բոլոր ՀԿ-ներին հաշվետվություն ներկայացնելու պահանջ սահմանելու նախագիծն ընդունվեց առաջին ընթերցմամբ
Հասարակություն
06.03.2020 | 15:33
Ազգային ժողովն առաջին ընթերցմամբ ընդունեց ՀՀ Կառավարության կողմից ներկայացված «Հասարակական կազմակերպությունների մասին» ՀՀ օրենքում փոփոխություններ կատարելու մասին նախագիծը։
Նշենք, որ առաջարկվող նախագծով սահմանվում է, որ բոլոր հասարակական կազմակերպություններրը պետք է հաշվետվություններ ներկայացնեն։ Բացի այս, կառավարությունը, ըստ ՊԵԿ ղեկավարի, առաջարկում է, որ ՀԿ-ներն իրենց անդամների և կամավորների թվի մասին տեղեկատվություն ներկայացնեն հաշվետու տարեվերջի դրությամբ։
«Գործող օրենքով ունենք այնպիսի իրավիճակ, որ ՀԿ-ների համար հաշվետվություն ներկայացնելու պահանջ սահմանված է միայն այն դեպքերում, երբ տվյալ կազմակերպությունը ստանում է հանրային միջոցներ: Այսինքն՝ մի կողմից ունենք ՀԿ-ներ, որոնք չեն ստանում հանրային միջոցներ և ընդհանրապես թափանցիկ չեն և հաշվետվողականության առումով հանրությանը որևէ հաշվետու տեղեկատվություն չեն ներկայացնում, իսկ գործող պահանջով՝ հանրային միջոցներ ստացողները պետք է լինեն թափանցիկ: Մենք հաշվետվություն ներկայացնելու պահանջ սահմանում ենք բոլոր ՀԿ-ների համար, որպեսզի լինի լիարժեք թափանցիկություն»,- ներկայացրեց ՊԵԿ նախագահ Դավիթ Անանյանը:
Նախագծին կողմ քվեարկեց 102, դեմ՝ 2 և ձեռնպահ՝ 4 պատգամավոր։
